நீங்கள் இன்று செய்யும் வேலை இனிவரும் ஐந்து ஆண்டுகளுக்கு உங்கள் வாழ்க்கைக்கு உதவும்!!

) வாழ்க்கையில் ஒருநாள் என்பது அவ்வளவு முக்கியமானதா என கேட்பவரா நீங்கள்? இன்று ஒருநாள் போனால் என்ன,  இன்னும் என் வாழ்நாளில் தான் ஆயிரகணக்கில் நாட்கள் உள்ளதே என ஒருநாளை சாதாரணமாக நினைப்பவரா?  அப்படியென்றால் இது உங்களுக்கான பக்கம் தான்!!   ஒருநாளை ஒரு நாள் என்று பார்க்காதீர்கள்! 24 மணி நேரம், 1140 நிமிடம், 86,400 நொடி இப்படி பார்த்து பழகுங்கள் எவ்வளவு பெரிதாக உள்ளது. இப்போது இதையே ஐந்து வருடங்கள் என்று பார்த்தால் நிச்சயம் உங்களுக்கு தலை சுற்றும்! ஆனால் இந்த ஐந்து வருடங்கள் சிறப்பாக இருக்க உங்களது ஒரு நாள் எப்படி இருக்க வேண்டும் என்று பார்த்தாலே போதும், நீங்கள் தினசரி எப்படி இருக்க வேண்டும் என்பதற்கு சில வழிகள் இதோ... 1. உங்கள் கனவுகளை நிறைவேற்றும் பயணத்தில் மகிழ்ச்சியை தேடி கொள்ளுங்கள்!!   உங்களை வாழ்க்கைக்கான திட்டத்தை மாற்றிக் கொள்ளாதீர்கள், அதற்குபதில் எதிர்காலத்தில் நீங்கள் என்ன செய்ய வேண்டும்,  இப்போது நீங்கள் என்ன செய்து கொண்டிருக்கிறீர்கள் என்பதை கவனியுங்கள். இரண்டுக்கும் இடையே உள்ள வித்தியாசத்தை கண்டுபிடியுங்கள். அப்போது தானாகவே இன்று நீங்கள் என்ன செய்ய வேண்டும் என்பது தெரிந்துவிடும்.இன்று செய்ய வேண்டியதை சரியாக செய்யுங்கள் தனாக உங்கள் கனவு நிறைவேறும். 2.இன்றைய நாளில் என்ன செய்தீர்கள் என்பதை எழுதி வைத்துக்கொள்ள பழகுங்கள்! ''ஒரு நாளின் முடிவில் நீங்கள் என்ன செய்துள்ளீர்கள் என்று எழுதி வைத்து பாருங்கள் அது இன்றைக்கு நீங்கள் உங்கள் நேரத்தை எப்படி செலவு செய்துள்ளீர்கள் என்பதை காட்டும். வெறும் 15 நிமிடங்கள் நீங்கள் செய்த வேலையை எழுதி வைப்பது உங்களுக்கு வேலை மீதான செயல்திறனை அதிகரிக்கும்!' இன்று எது நீங்கள் நினைத்து உங்கள் புத்தகத்தில் இடம்பெறவில்லையோ அதனை சரிசெய்தாலே போதும்! 3.தினமும் ஒரு புதிய, பழக்கமில்லாத நபரோடு பேசுங்கள் ''புதிய பழக்கமில்லாதவர்கள் என்பது புதிய வாய்ப்புகளுக்கு சமம். இந்த வாய்ப்புகள் புதிய நண்பர்கள், புதிய யோசனைகள் மற்றும் உங்களுக்குள் இருக்கும் பயத்தையும், கூச்சததையும் போக்குவதாகவும், புதிய தொழில் துவங்குவதற்கான கருவியாக இருக்கும். உங்கள் வட்டத்தை பெரிது படுத்திக்கொள்ள பழகிவிட்டால் அது உங்கள் வேலை,மகிழ்ச்சி மற்றும் ஆரோக்கியத்தை முடிவு செய்யும்.அதனால் தினமும் ஒரு புதிய பழக்கமில்லாத மனிதரோடு பேசுங்கள். 4. நன்றாக கவனிக்க பழகி கொள்ளுங்கள்! மக்கள் தங்களை பற்றி பேசுவதை பெரிதும் விரும்புவார்கள். அதனால் அவர்கள் பேசுவதிலிருந்து உங்களுக்கு தேவையானதை பெற அவர்களை பேசவிட்டு கவனியுங்கள். இது போன்ற மனிதர்களின் அனுபவம் எப்போதும் நமக்கு கைகொடுக்கும் சிக்கலான சூழல்களில் அவர்கள் செய்த தவறை பற்றி கூறியிருப்பார்கள் அதை நாம் செய்யாமல் இருந்தாலே போதும் என்ற பாடத்தையாவது அது கற்றுக்கொடுக்கும்.     5.குறைந்த நேரத்தை மட்டும் வீணாக்குங்கள்!!  நேரத்தை வீணாக்காமல் நம்மால் வாழமுடியாது. ஆனால் நம்மால் குறைவான நேரத்தை வீணாக்க முடியும். வாழ்க்கை நாட்களால் உருவாக்கப்பட்டது, நாட்கள் நேரங்களாலும், நேரம் நிமிடங்களாலும் உருவாக்கப்பட்டவை. அதனால் நிமிடங்களை தாண்டி நாம் நொடியை மட்டும் வீணாக்கி கொள்ள கற்று கொள்ள வேண்டும்.இந்த விஷயத்தை நீங்கள் சரியாக கையாண்டால் உங்களால் வெற்றியை மட்டும் தான் பெறமுடியும். 6. உங்கள் அனுபவங்களை திசை மாற்றி கொண்டே இருங்கள்.  உங்கள் அனுபவங்களை ஒரு விஷயத்தை நோக்கியே கொண்டு செல்லாதீர்கள்.. உங்கள் அனுபவங்களை திசை மாற்றி கொண்டே இருங்கள். உங்கள் அனுபவங்களை விரிவுபடுத்துங்கள். இது உங்களது புதுமையான ஐடியாக்களுக்கும், நல்ல முறையில் உங்களை மக்களோடு தொடார்புபடுத்திக்கொள்ள உதவும்.அந்த அனுபவத்தை உலகிற்கு பரிமாறுபவராக இருங்கள்: அது பலரை முட்டாள்தனத்திலிருந்து விடுவிக்கும்.ஒரு சிறந்த அனுபவம் நல்ல சிந்தனையாளனை உருவாகியே தீரும்! 7. அவமானத்தோடும், சந்தேகத்தோடும் வேலை பார்க்க பழகுங்கள்!!  அனைவருக்கும் ஏதோ ஒரு சூழலில் அவமானத்தையும், சந்தேகத்தையும் எதிர்கொண்டு இருப்பார்கள். ஆனால் அதில் ஒரு சிலர் மட்டுமே இதை சமாளிக்க கற்றுக்கொண்டு இருப்பார்கள். இதனை சமாளிக்க பழகுங்கள். உங்கள் அவமானம் பாடத்தையும் கற்று கொடுக்கும்! உங்கள் மீதுள்ள சந்தேகம் உங்களை தெளிவு படுத்தும்.     8. வெளிச்சூழலுக்கு செல்லுங்கள்:  உள்ளேயே இருந்து வேலை பார்ப்பது எளிது. வெளிச்சூழலுக்கு செல்லுங்கள். மிக உயரமான பகுதிகளுக்கு சென்று வாருங்கள், உளவியலாலர்களை சந்தியுங்கள். அது உங்களுக்குள் உள்ள புதுமையற்ற சதாரண மனிதனை புதுமைபடுத்துவதுடன்,உங்கள் அழுத்தத்தை குறைக்க உதவும் கருவியாகவும் அமையும். 9.உங்களைவிட வித்தியாசமானவர்களை பற்றி தெரிந்து கொள்ளுங்கள்: நீங்கள் சற்று தாராளமானவராக இருந்தால் வித்தியாசமான மனிதர்களின் நட்புக்குள் செல்லலாம். நீங்கள் நகரத்து எலியாக இருந்தால் நாட்டு எலியை பற்றி தெரிந்து கொள்ளுங்கள். இந்த தேடலில் நீங்கள் பல வித்தியாச மனிதர்களை அடையாளம் காட்டும். அவர்கள் மீதான புரிதல் மாறுபட்ட மனிதர்கள் உள்ள குழுவில் சரியான முடிவை எடுக்க பயனளிக்கும். 10. குறைந்தபட்ச குறிக்கோள்களை ஏற்படுத்திக்கொள்ளுங்கள்: ஒரு நாளைக்கு 15 பக்கங்கள் படிக்க வேண்டும், 20 புஷ்-அப்கள். இப்படி குறுகிய டார்கெட்டுகள் உங்களை பெரிய வேலைகளுக்கு பழக்கப்படுத்தும்! இந்த பயிற்சி பெரிய திட்டங்களை உடைத்து சிறிது சிறிதாக ஒரு நாளைக்கு எவ்வளவு என பிரித்துக் ஐந்து வருட திட்டத்தையும் ஒரு நாளைக்கு பிரித்து வெற்றியடைய உதவும். இன்னும் ஐந்து வருடம் கழித்து எப்படி இருக்க வேண்டும் என்பதை சிந்திக்க தொடங்கிவிட்டால் இன்று உங்கள் வேலை என்னவெனில்...... உங்களுக்கான வேலை என்ன என்பதை இன்னோருவரை தீர்மானிக்க விடாமல் இருப்பது தான்!! இன்றைய நாளை உங்கள் பிடித்த மாதிரி செதுக்குங்கள் அது  இனிவரும் ஐந்து ஆண்டுகளுக்கு உங்கள் வாழ்க்கைக்கு உதவும்!!

India Win Three Gold, Two Silver

India Win Three Gold, Two Silver
by Arvind Aaron

The Asian Youth Chess Championship started for the age group categories of Under-6, 8, 10 and 12 for Open and Girls at Hotel Uzbekistan in capital Tashkent. The Under-14, 16 and 18 sections will be held separately later in India.

In the rapid section, India won three gold and two silver medals. Chess fans back at home can expect more medals when the classical chess and blitz sections commence.

Indian gold winners in rapid were Aditya Mittal (Under-8) and Nihal Sarin (Under-10) and Priyanka Nutakki (Under-12 girls). The silver medals were won by L.N. Ram Aravind (Under-12) and Mrudul Dehankar (Under-10 girls).

Earlier, the glittering opening ceremony comprised of song and dances of popular Hindi songs which attracted our children to dance with them.

Photo By : Mr.T.J.Suresh Kumar, Coach of the Indian Team

Tags: Asian youth at Uzbekistan - 2014

'ஒட்டிக்கு ரெட்டி...’ - கொல்லிமலையில் களைகட்டும் பாரம்பரியப் பாதுகாப்பு

அழிந்துவரும் சிறுதானிய சாகுபடியை மீட்டெடுக்கும்விதமாக... 'வேளாண் விஞ்ஞானி' எம்.எஸ். சுவாமிநாதன் ஆராய்ச்சி நிறுவனம், நாமக்கல் மாவட்டம், கொல்லிமலையில் களப்பணி ஆற்றி வருகிறது. சிறுதானியங்களை மீட்டெடுக்கத் தொடர்ந்து கருத்தரங்குகளையும் நடத்தி வருகிறார்கள். அதன் ஒரு கட்டமாக, மலைக்கிராம விவசாயிகளுக்கு, சிறுதானியங்களை மதிப்புக்கூட்டும் தொழில்நுட்பப் பயிற்சி அளித்ததன் விளைவாக, மலைவிவசாயிகள் மத்தியில் சிறுதானிய சாகுபடி கோலோச்சிக் கொண்டிருக்கிறது!  

குளுகுளு காற்று வீசும் கொல்லிமலையின் செம்மேடு சிறுநகரத்தில் அமைந்துள்ள எம்.எஸ். சுவாமிநாதன் ஆராய்ச்சி நிறுவனத்தின் முதன்மை திட்ட அலுவலர் டாக்டர். ஆலிவர் கிங், அதைப் பற்றி பெருமையோடு பேசினார் நம்மிடம்.

''சிறுதானியங்கள் மனிதனுக்குக் கிடைத்த உணவுச் சீதனம். உழுதுண்டு வாழ்பவர்களே உயர்வாக இருந்த காலத்தில்... ஊரிலுள்ள அனைத்து மக்களுக்கும் உணவளிக்கும் கடமை அவர்களுக்கு இருந்தது. அப்போது, அனைவரின் உணவுப் பயன்பாட்டுக்காக சிறுதானியங்களே பயிரிடப்பட்டன. சிறுதானிய சாகுபடி சிறப்பாக இருந்த மலைகளில் கொல்லிமலையும் ஒன்று. 20 ஆண்டுகளுக்கு முன்புவரை இங்கும் பல நூறு ஏக்கர் நிலங்களில் சிறுதானிய சாகுபடி நடந்தது. காலப்போக்கில் பணப் பயிர்கள் சாகுபடி மீது சமவெளி விவசாயிகளுக்குப் பிறந்த ஆர்வம், மலைக்கிராமங்களுக்கும் பரவி, கொல்லிமலையிலும் சிறுதானிய சாகுபடிப் பரப்பு குறைந்தது. 'அதை மீண்டும் பெருக்க வேண்டும். அழிந்துவரும் சிறுதானிய விதைகளை மீட்டெடுக்க வேண்டும்’ என்கிற நோக்கில் 96-ம் ஆண்டு முதல் கொல்லிமலையில் செயல்பட்டு வருகிறது இந்த அமைப்பு’' என்று முன்னுரை கொடுத்தவர், தொடர்ந்தார்.

மீட்டெடுக்கப்பட்ட 22 ரகங்கள்..!

''பாரம்பரிய விதைப் பாதுகாப்பு, பயிரிடுதல், உணவுப் பயன்பாடு, சந்தைப்படுத்துதல் ஆகிய நான்கு செயல்பாடுகளை மையப்படுத்தி வேலை செய்கிறோம். இதுவரையில், அழியும் நிலையில் இருந்த 22 ரகங்களை மீட்டெடுத்து பாதுகாத்து வருகிறோம். எங்கள் களப்பணியாளர்களுடன் இணைந்து இங்குள்ள 305 மலைக்கிராமங்களுக்கும் சென்று, அவர்களிடம் இருந்த பாரம்பரிய ரக சிறுதானிய விதைகளைச் சேகரித்தோம். அதில் அழியும் நிலையில் இருக்கும் பல ரகங்களும் கிடைத்தன. இப்பகுதியில் சாமை, தினை, வரகு, கேழ்வரகு ஆகிய நான்கு ரகங்கள் மட்டும்தான் அதிகளவில் சாகுபடி செய்யப்பட்டன.

மல்லியச்சாமை, பெருஞ்சாமை, வெள்ளைப்பெருஞ்சாமை, கட்டவெட்டிச் சாமை, திருகுலாசாமை, சடஞ்சாமை, கருஞ்சாமை என ஏழு சாமை ரகங்களும்; செந்தினை, பாலாந்தினை, கோராந்தினை, கில்லாந்தினை, பெருந்தினை, மூக்காந்தினை என ஆறு தினை ரகங்களும்; திரிவரகு, பனிவரகு என்ற இரண்டு வரகு ரகங்களும்; சாட்டைக் கேழ்வரகு, காரக் கேழ்வரகு, கண்டாங்கிக் கேழ்வரகு, பெருங்கேழ்வரகு, சுருட்டைக் கேழ்வரகு, அரிசிக்கேழ்வரகு, கருமுழியான் கேழ்வரகு என கேழ்வரகில் ஏழு ரகங்களையும் சேர்த்து, மொத்தம் 22 பாரம்பரிய ரக விதைகளை, ஆர்வமுள்ள விவசாயிகளிடம்கொடுத்துப் பெருக்கும் வேலை தொடர்ந்து நடைபெற்று வருகிறது.

இப்படிப் பெருக்கும் விதைகளை விலைக்கு விற்பதில்லை. மாறாக, ஒரு கிலோ விதை பெற்றுக்கொள்ளும் விவசாயி, விதைத்து அறுவடை செய்த பிறகு, இரண்டு கிலோ விதையை எங்களிடம் கொடுத்துவிட வேண்டும். இந்த ஒப்பந்தத்தின் அடிப்படையில் பல நூறு கிலோ அளவில் விதைப் பறிமாற்றம் நடந்து வருகிறது. இந்த விதை மாற்று முறையை 'ஒட்டிக்கு ரெட்டி’ என்று மலைமக்கள் பெயர் வைத்திருக்கிறார்கள்'' என்றவர், இப்பணிகளை மலைவாழ் மக்களைக் கொண்டே செயல்படுத்தி வருகிறோம். இதற்காக, 'கொல்லிமலை வேளாண் பல்லுயிரினப் பாதுகாப்போர் சங்கம்’ என்ற அமைப்பு உருவாக்கப்பட்டுள்ளது'' என்ற ஆலிவர் கிங், இந்த அமைப்பின் பொறுப்பாளர் சிவக்குமாரை அறிமுகம் செய்து வைத்தார்.

மலைக்க வைக்கும் மலைநாடுகள்!

''கொல்லிமலை வேளாண் பல்லுயிரினப் பாதுகாப்போர் சங்கத்துல 1,503 பேர் உறுப்பினரா இருக்காங்க. இதுமூலமா 108 சுய உதவிக்குழுக்களைத் தொடங்கியிருக்கோம். எங்களுக்கு ஆலோசனையையும், உதவிகளையும் சுவாமிநாதன் பவுண்டேஷன்தான் கொடுத்திட்டிருக்கு. வாழவந்தி நாடு, அரியூர்நாடு, வளப்பூர்நாடு, சேலூர் நாடு, திண்ணனூர் நாடு, தேவனூர் நாடு, திருப்புளிநாடு, ஆலத்துர்நாடு, குண்டனி நாடு, இடப்புளி நாடு, பெறக்கரை நாடு, சித்தூர் நாடு, பைல் நாடு, குண்டூர் நாடுனு இங்க 14 மலைநாடுகள் இருக்கு. 450 சதுர கிலோ மீட்டர் பரப்பளவு கொண்ட இந்த மலை நாடுகள்ல 305 கிராமங்கள் இருக்கு. எங்க கூட்டமைப்பு, இதுவரை 500 ஏக்கரில் சிறுதானிய விதைப்புக்கு ஊக்கம் கொடுத்து, கிட்டத்தட்ட ஆயிரம் குடும்பத்தை சிறுதானிய விவசாயிகளா மாத்தியிருக்கு. அதுபோக சிறுதானியங்களை அரைக்க, 14 மலைநாடுகள்லயும் 14 அரவை இயந்திரங்களை அமைச்சிக் கொடுத்திருக்கோம். இதை சுய உதவிக்குழுப் பெண்கள் இயக்கி வருமானம் பாக்குறாங்க'' என்றார், சிவக்குமார்.

இரட்டை லாபம்..!

மலைக்கிராம மக்கள் பலரையும் சந்தித்துப் பேசித் திரும்பிய நம்மிடம், நிறைவாக பேசிய ஆலிவர் கிங், ''சிறுதானிய மேம்பாட்டு பணியுடன் நிறுத்திக்கொள்ளாமல், அழியும் நிலையில் உள்ள கொல்லிமலை கலாசாரத்தையும் மீட்டெடுத்து வருகிறது எங்கள் ஆராய்ச்சி நிறுவனம். இந்த மலைநாட்டு மக்களின் பாரம்பரியக் கலைகளை மறு உருவாக்கம் செய்து, அதை செயல்படுத்தி வருகிறோம். தெருக்கூத்து, பாவைக்கூத்து, தேவராட்டம், கும்மி போன்ற கலைவடிவங்களையும் மக்களைக் கொண்டே நிகழ்த்தும் வேலையும் நடக்கிறது. பணப்பயிரான மரவள்ளிக்கிழங்கு வயலில் ஊடுபயிராக சிறுதானியங்களை விதைத்து... பணப்பயிர் மற்றும் தானியப்பயிர் என்று இரண்டு மகசூலை எடுக்கும் தொழில்நுட்பத்தையும் நடைமுறைப்படுத்தி வருவதால், இரட்டை லாபம் பார்க்கிறார்கள் விவசாயிகள்.

ஆடிப்பட்டத்தில் கேழ்வரகுடன் சாமை அல்லது தினை, அவரை, மொச்சை, கடுகு விதைகளை குறிப்பிட்ட விகிதத்தில் கலந்து கைவிதைப்பாக விதைத்துவிட்டால், வெவ்வேறு பருவங்களில் நமக்குத் தேவை யான உணவுப்பொருட்கள் கிடைப்பதுடன் நிலத்தின் மண்வளமும் பாதுகாக்கப்படுகிறது. இந்த 17 ஆண்டுகளில் அழியும் நிலையில் இருந்த சிறுதானிய விவசாயத்தை முடிந்த அளவு மீட்டுக் கொண்டு வந்துவிட்டோம். சிறுதானிய உணவின் நுகர்வும் மக்களிடம் அதிகரித்து வருகிறது. இதன் மூலம் நல்ல விற்பனை வாய்ப்புக் கிடைக்கும்பட்சத்தில் கொல்லிமலையில் மட்டுமல்ல. நாட்டில் உள்ள பல்லாயிரம் ஏக்கரில் சிறுதானியக் கொடி மறுபடியும் பறக்கும்'' என்றார், மகிழ்ச்சியாக.

பிசினஸ் -ட்வென்டி19 டாட்காம்: சம்பளத்துடன் பயிற்சி தரத் தயார்

4) கல்லூரியில் படிக்கும் மாணவர்கள் தாங்கள் படிக்கும் படிப்பு சார்ந்து பிராக்டிகல் விஷயங்களைக் கற்றுக்கொள்வதற்காக, 'இன்டர்ன்ஷிப்’ (Internship) பயிற்சி செய்வது கட்டாயம். இந்த 'இன்டர்ன்ஷிப்’ பயிற்சியை எந்த நிறுவனத்தில் பெறுவது என்கிற குழப்பம் பல மாணவர்களுக்கு இருக்கும். இதுமாதிரியான மாணவர்களை நல்ல நிறுவனங்களில் சேர்ந்து 'இன்டர்ன்ஷிப்’ பயிற்சி பெறுவதற்கான வாய்ப்புகளை ஏற்படுத்தித் தருவதற்காக சில வலைதளங்கள் இப்போது வந்துவிட்டன. இந்த வகை நிறுவனங் களில் ஒன்றை சென்னையில் தொடங்கி வெற்றிகரமாக நடத்தி வருகிறார் கார்த்திகேயன் விஜயகுமார். கல்லூரியில் படிக்கும் மாணவர்களுக்கு பெரிதும் உதவும் இந்த நிறுவனத்தைப் பற்றி கேட்டோம். 3 லட்சம் மாணவர்கள்! ''கல்லூரி மாணவர்கள் நல்லபடியாக 'இன்டர்ன்ஷிப்’ பயிற்சியை செய்து முடிக்க வேண்டும் என்கிற நோக்கத்தில் உருவாக்கப்பட்டதுதான் இந்த ட்வென்டி19 டாட்காம் (http://www.twenty19.com/)   என்கிற வலைதளம். 2010-ல் இந்த வலைதளத்தை ஆரம்பித்த போது, இதன் பயனாளர்களின் எண்ணிக்கை மிகவும் குறைவாகவே இருந்தது. ஆனால், இன்று இதன் மூலம் பயன்பெற்ற மாணவர்களின் எண்ணிக்கை மூன்று லட்சம் பேருக்கு மேல். இந்த எண்ணிக்கையில் 60 சதவிகிதம் பேர் பொறியியல் மாணவர்கள், 20 சதவிகிதம் பேர் கலை மற்றும் அறிவியல் கல்லூரியைச் சேர்ந்த மாணவர்கள், 10 சதவிகிதம் பேர் மேலாண்மை படிப்பு சார்ந்த மாணவர்கள், மீதி இருக்கும் 10 சதவிகிதம் பேர் முதுகலை கல்வி பயிலும் மாணவர்கள் (எம்டெக் போன்றவை) அடக்கம். தற்போது ட்வென்டி19 டாட்காம் மூலம், மாணவர்களுக்கான ஆன்லைன் மார்க்கெட்டிங், சாஃப்ட்வேர் டெஸ்டிங், போன்ற பலவகையான கோர்ஸ்களை நடத்தி வருகிறோம்'' என்று எடுத்த எடுப்பிலேயே நம்மை ஆச்சர்யப்படுத்தினார் கார்த்திகேயன் விஜயகுமார். இன்டர்ன்ஷிப் பெற விரும்பும் மாணவர்கள் முதலில் எங்களின் வலைதளத்தில் அவர்களின் பெயர், படிப்பு விவரம், படிக்கும் கல்லூரியின் பெயர் போன்றவற்றை முதலில் பதிவு செய்து பின்னர் அவர்களுக்கான இன்டர்ன்ஷிப் நிறுவனங்களை தேட ஆரம்பிக்க வேண்டும். இதேபோல, 'இன்டர்ன்ஷிப்’ பயிற்சி பெற நினைக்கும் மாணவர்களை அணுக நினைக்கும் நிறுவனங்களும் தங்கள் நிறுவனத்தின் பெயர் மற்றும் நிறுவனம் சார்ந்த விவரங்களை வலைதளத்தில் பதிவு செய்துகொண்டு, அவர்கள் இன்டர்ன்ஷிப் வழங்க இருக்கும் மாணவர்களைத் தேர்வு செய்துகொள்ளலாம். இதேபோல, மாணவர்களும் தாங்கள் விரும்பும் நிறுவனத்திடம் பயிற்சிக்கான அனுமதியை வலைதளத்தின் மூலம் தொடர்பு கொண்டு பெற முடியும்.   ''தற்போது சுமார் 6,000 நிறுவனங்கள் எங்கள் வலைதளத்தில் தங்களை இணைத்துக்கொண்டுள்ளன. 'இன்டர்ன்ஷிப்’ பயிற்சிக்காக எங்களைத் தேடிவரும் மாணவர்களுக்கு நாங்களே அந்த வாய்ப்பைத் தந்து, அவர்களின் தொழில்நுட்ப அறிவை பெருக்கி வருகிறோம்'' என்றவர், இந்த வலைதளத்தைத் தொடங்கியதற்கான பின்னணியையும் எடுத்துச் சொன்னார். ''2009-ல் நான் தனியாக மார்க்கெட் ரிசர்ச் நிறுவனம் அமைத்து பணியாற்றி வந்தேன். அப்போது என் நிறுவனத்துக்காக வேலை செய்ய ஆட்கள் தேவைப்பட்டார்கள். இந்த ஆட்களைத் தேடி எங்கே போவது என்று நானும் என் குழுவினரும் பலவாறாக யோசித்தோம். இறுதியில், கல்லூரி இறுதி ஆண்டு படிக்கும் மாணவர்களை அணுகி, இதுபற்றி பேசினோம். அவர்களுக்கு செய்முறை அறிவு கிடைக்கும் என்பதால் பெரும்பாலான மாணவர்கள் எங்கள் யோசனையை உடனே  ஒப்புக்கொண்டார்கள். பிற்பாடு இதை பரந்துபட்ட அளவில் செய்ய ஆரம்பித்தோம்'' என்றவர், 'இன்டர்ன்ஷிப்’ பயிற்சி தருவதன் மூலம் எப்படி திறமையான ஊழியர்களை உருவாக்க முடியும் என்பது பற்றி எடுத்துச் சொல்ல ஆரம்பித்தார். வேலைக்கான பயிற்சி! இன்றைய நிலையில் பெரும்பாலான நிறுவனங்கள், கல்லூரிப் படிப்பை முடித்த மாணவர்களை கேம்பஸ் இன்டர்வியூவில் தேர்வு செய்து அவர்களுக்கு மீண்டும் பயிற்சி வகுப்புகளை நடத்தி, அதில் தேர்வு பெறும் மாணவர்களையே நிரந்தரமாக வேலைக்கு அமர்த்துகின்றன. இந்தச் சூழ்நிலை மாணவர்களுக்குச் சரிவராது என்பதே எங்கள் கருத்து. கல்லூரியில் படித்து முடித்ததும் அவர்கள் நேரடியாக வேலையில் அமர்த்தப்பட்டால்தான் புத்துணர்ச்சியுடன் வேலை செய்வார்கள். மீண்டும் பயிற்சி என்கிறபோது அவர்களின் மனநிலை, தாங்கள் இன்னும் மாணவர்கள்தான் என்கிற மாதிரி இருக்கும். ஆனால், படிக்கும்போதே இந்த 'இன்டர்ன்ஷிப்’ பயிற்சியைத் தந்துவிட்டால், அவர்களை வேலைக்கு தேர்வு செய்யும்போது பயிற்சி தரவேண்டும் என்கிற அவசியம் இருக்காது. இதனால் மாணவர்களுக்கும் வேலை தரும் நிறுவனத்துக்கும் நன்மையே. கட்டணம் கிடையாது! எங்கள் வலைதளத்தில் பதிவு செய்யும் நிறுவனங்களுக்கு நாங்கள் எந்த கட்டணத்தையும் வசூலிப்பதில்லை. ஆனால், அவர்களுக்கு சில நிபந்தனைகளை விதிக்கிறோம்.  அது மாணவர்கள் குறித்தும், மானவர்களுக்கு வழங்கும் இன்டர்ன்ஷிப் குறித்தும் வலைதளத்தில்  ஃபீட்பேக்  குறிப்பிட வேண்டும் என்பதே. எங்கள் வலைதளத்தில் பதிவு செய்யும் நிறுவனங்களை நன்கு விசாரித்தபின்பே அவர்களுக்கான பதிவை ஏற்றுக்கொள்கிறோம். இதன்பிறகே அந்த நிறுவனங்கள் மாணவர்களுடன் நேரடியாகத் தொடர்புகொள்ள முடியும். எங்கள் வலைதளத்தில் பதிவு செய்யும் மாணவர்களிடமிருந்து நாங்கள் எந்தவொரு கட்டணத்தையும் வசூலிப்பதில்லை. தங்கள் படிப்பு சம்பந்தமான நிறுவனம் எங்கள் வலைதளத்தில் இருந்தால், அந்த நிறுவனத்தை நேரடியாகத் தொடர்பு கொண்டு 'இன்டர்ன்ஷிப்’ பயிற்சிக்கான அனுமதியைப் பெறலாம். சம்பளமும் உண்டு! முன்பெல்லாம் 'இன்டர்ன்ஷிப்’ வழங்கும் நிறுவனங்கள் தன்னைத் தேடிவரும் மாணவர்களுக்கு உதவித்தொகை இல்லாத பயிற்சி தந்து வந்தன. ஆனால், வேலைக்குத் தரமான ஆள் கிடைப்பதற்கு தட்டுப்பாடு இருப்பதால், 'இன்டர்ன்ஷிப்’ பயிற்சி பெற நினைக்கும் மாணவர்களின் திறமைக்கேற்ப அவர்களுக்கு சம்பள மும் தரத் தயாராக இருக்கின்றன சில நிறுவனங்கள். பெரிய நிறுவனங்களில் 'இன்டர்ன்ஷிப்’ முடிக்கும் மாணவர் களுக்கு அந்த நிறுவனத்திலேயே வேலை கிடைக்கவும் வாய்ப்புண்டு'' என்று முடித்தார் கார்த்திகேயன் விஜயகுமார். கல்லூரி மாணவர்களுக்கு இந்த வலைதளம் புதியதொரு உலகத்தைத் திறந்து காட்டும் என்பதில் சந்தேகமில்லை!

மார்க்கெட்டிங் மிக அவசியம்

நாம் எந்த தொழில் ஆரம்பித்தாலும் அந்த தொழிலுக்கு, மார்க்கெட்டிங் என்பது மிகவும் அவசியமாகிறது. மார்க்கெட்டிங் என்றவுடன் நீங்கள் தொலைக்காட்சி விளம்பரத்தையும் பத்திரிக்கை விளம்பரத்தையும் மட்டுமே நினைத்து விடாதீர்கள். அதை தவிர பல மார்க்கெட்டிங் வித்தைகள் இருக்கிறது. அதை உங்கள் தொழிலுக்கு ஏற்றாற்போல் அமைத்துக்கொள்ளுங்கள்.

தமிழர்களில் பெரும்பாலானோர்கள் மார்க்கெட்டிங் செய்வதை அல்லது விற்பனை செய்வதை விரும்புவதில்லை. இதற்கு காரணம் அவர்களிடமுள்ள கூச்ச சுபாவம் ஆகும். பள்ளி பருவங்களில் நமது குழந்தைகள், பொருளாதாரத்தில் வளர்ந்தநாட்டு குழந்தைகளைப் போல, வெளியில் சென்று பகுதி நேரம் வேலை பார்ப்பதில்லை; அல்லது விற்பனை செய்வதில்லை.

இதுவே அவர்களுக்கு பிற்காலத்தில் கூச்ச சுபாவமாக மாறிவிடுகிறது. நாம் ஒருவரிடம் பேசுவதிலிருந்து, நாம் நினைப்பதை ஆணித்தரமாக எடுத்து கூறுவதிலிருந்து, ஒரு விற்பனையை செய்து முடிக்கும் வரை மார்க்கெட்டிங் என்ற துறை உலாவுகிறது. சிறுதொழில் ஆரம்பிப்பவர்கள் எவ்வாறு மிக மிக குறைந்த பணத்தில் அல்லது பணமே இல்லாமல் மார்க்கெட்டிங் செய்வது?

தரமான அனுபவம் வேண்டும்

செலவே இல்லாத மார்க்கெட்டிங் யுத்தி என்பது வாய்மூலமாக (Word of Mouth) பரவுவதுதான். உதாரணத்திற்கு நீங்கள் ஒரு டிபார்ட்மெண்ட்டல் ஸ்டோர் தொடங்கியுள்ளீர்கள் என்று வைத்துக்கொள்வோம். உங்கள் கடையை ரோட்டில் பார்த்ததும் சிலர் கடையில் நுழைந்து வாங்க வருவார்கள். ஆனால், நீங்கள் அவர்களிடம் பேசும் விதம், பழகும் விதம், மற்றும் சேவை செய்யும் விதம் இவற்றைப் பொறுத்துத்தான் அவர்கள் உங்கள் கடைக்கு மறுமுறை வருவார்கள். (விலை போன்றவையெல்லாம் உங்கள் போட்டியாளர்களுடன் ஒப்பிடுகையில் சமமாக இருக்கும் என்று எடுத்துக்கொள்ளும் பட்சத்தில்!)

இதுபோல் அவருக்கு உங்கள் கடையில் ஏற்படும் அனுபவம் இனிமையாக இருக்கும் பொழுது, அவர் உங்கள் கடையைப் பற்றி, அவருக்கு நெருக்கமானவர்களிடம் பரிந்துரை செய்வார்.

இவ்வாறு உங்களுக்கு வரும் வாடிக்கையாளர்கள்தான் தலைமுறை தலைமுறையாக உங்களுடன் உறவு கொண்டு இருப்பார்கள். இதற்காக நீங்கள் செய்ய வேண்டிய மார்க்கெட்டிங் செலவு எதுவும் கிடையாது. நீங்கள் செய்ய வேண்டியது எல்லாம் உங்கள் கடையில் அவருக்கு ஏற்படும் அனுபவம் இனிமையாக இருக்குமாறு பார்த்துக்கொள்ள வேண்டியதுதான்!

உங்களிடம் பெரும் பணம் இல்லாத பொழுது உங்கள் சேவையை அதிகரிப்பது ஒன்றுதான் உங்களின் மார்க்கெட்டிங் யுத்தியாக இருக்க வேண்டும். இதற்கு அடுத்த கட்டமாக மிகக் குறைந்த செலவில் உங்களுக்கு தொழிலை தேடித்தருவது உங்களது விசிட்டிங் கார்டு (Visiting Card) ஆகும். தொழில் ஆரம்பித்த புதிதில் நீங்கள் சந்திப்பவர்களிடம் எல்லாம் உங்களின் விசிட்டிங் கார்டை கொடுக்கும் பொழுது உங்களது தொழிலுக்கு ஒரு அடையாளம் கிட்டும். மேலும் அவ்வாறு கொடுக்கும் பொழுது உங்கள் பொருளில் அல்லது உங்களின் சேவையில் விருப்பம் இருப்பவர்கள் உங்களை நேரடியாக தொடர்பு கொள்வார்கள்.

குறைவான செலவில் வரக்கூடிய மற்றுமொரு கருவி தபால் ஆகும். உங்களது தொழிலைப் பற்றி சுருக்கமாக அச்சிட்டு அஞ்சல் செய்யும்பொழுது அது உரியவர்க்கு சென்று கிட்டும். அல்லது உங்களது பகுதியில் உள்ள அனைத்து தபால் பெட்டிகளிலும் நீங்கள் போடலாம்.

அதுபோல் நீங்கள் உங்கள் லிஸ்ட்டில் இருக்கும் 200 அல்லது 300 பேருக்கு அனுப்பும்பொழுது அதிலிருந்து சுமாராக 5% பேர் வாடிக்கையாளர்களாக மாற வாய்ப்பு இருக்கும்.

சமூக வலைதளங்களை பயன்படுத்துதல்

இவை எல்லாவற்றையும் விட எந்த தலைமுறையினருக்கும் கிட்டாத ஒரு பொக்கிஷம் நமக்கெல்லாம் கிடைத்துள்ளது. அதுதான் இன்றைய இன்டர்நெட், இ-மெயில் மற்றும் ஆடியோ மற்றும் வீடியோ சாட் (Audio, Video Chat) ஆகும். இ-மெயில் அனுப்புவதற்கு உங்களுக்கு செலவு ஏதும் கிடையாது. ஒவ்வொரு தொழிலுக்கும் வலைதளம் என்பது இன்று இன்றியமையாதது ஆகிவிட்டது. உங்களது வலைதளத்தை ஒரு குறிப்பிட்ட செலவில் ஆரம்பித்துக் கொள்ளலாம் - அதுபோல் facebook, twitter, linkedIn போன்ற இணையதளங்களில் உங்களது கணக்கைத் துவக்கினால் உங்களது பிஸினஸ் வாய்ப்புகள் அதிகரிக்கும்.

மேலும் உங்களின் சேவையினால் திருப்தி அடைந்த வாடிக்கையாளர்களை அணுகி உங்களைப்பற்றிய பரிந்து ரையைக் கேட்கலாம். அப்பரிந்துரையை உங்களது இணையதளத்தில் போட்டு வைக்கலாம்.

அவ்வாறு உங்களைப்பற்றிய பரிந்துரையை தர தயாராக இருக்கும் ஒரு சில நபர்களிடம் அனுமதி பெற்று, புதிதாக வரும் வாடிக்கையாளர்கள் யாரேனும் உங்களைப் பற்றி அல்லது உங்கள் நிறுவனத்தைப் பற்றி தெரிந்து கொள்ள ரெஃபரன்ஸ் (reference) கேட்டால் அவர்களது பெயரையும் தொலைபேசி எண்ணையும் கொடுக்கலாம்.

ஏனென்றால் புதிதாக வரும் வாடிக்கையாளருக்கு உங்களது சேவை மற்றும் தொழில் செய்கைகள் குறித்து பலவிதமான கேள்விகள் மற்றும் சந்தேகங்கள் இருக்கும். அவற்றையெல்லாம் நீங்கள் கொடுக்கும் ரெஃபரன்ஸ் மூலம் அவர்கள் கேட்டுத் தெரிந்து கொள்ளவார்கள்.

இன்னும் பல சின்ன சின்ன யுத்திகளையும் நீங்கள் கையாளலாம். உதாரணத்திற்கு நீங்கள் அனுப்பும் ஒவ்வொரு மின்னஞ்சலிலும் உங்களது தொழிலின் முகவரி, தொலைபேசி எண்கள், இணையதளத்தின் விலாசம் நீங்கள் விற்கும் பொருட்கள் போன்றவற்றையெல்லாம் நிரந்தரமாக இணைத்து விடலாம். அதுபோல் நீங்கள் அனுப்பும் எஸ்.எம்.எஸ்ஸிலும் (SMS) உங்களின் பெயர், தொழிலின் பெயர், இணையதளம் போன்றவற்றை குறிப்பிட்டு அனுப்பலாம்.

புரபொஃஷனல்ஸ் (Professionals) என்று கூறக்கூடிய மருத்துவர்கள், சட்ட நிபுணர்கள், ஆலோசகர்கள், சார்டர்ட் அக்கவுண்டண்ட் (Chartered Accountants) போன்ற இன்னும் பல அறிவுசார் துறைகளில் இருப்பவர்கள் பொது மக்களுக்குள்ள சந்தேகங்களை தொலைக்காட்சி, பத்திரிக்கை, இணையதளங்கள் மூலமாக தீர்த்து வைப்பதன் மூலமாகவும் அவர்களுக்கு புதிய வாடிக்கையாளர்கள் கிடைக்க வாய்ப்புள்ளது.

மனிதன் என்பவன் ஒரு சமூக விலங்கு. நாம் எப்பொழுதும் பலருடன் நட்பு மற்றும் தொடர்பு வைத்துக் கொள்வது அவசியம். அது நமது தொழிலுக்கும் உதவியாக இருக்கும். ஆகவே உங்கள் பகுதியில் உள்ள லயன்ஸ் கிளப், ரோட்டரி கிளப்-களில் நீங்கள் சேர்ந்து கொள்ளலாம். அதேபோல் உங்கள் பகுதியில் உள்ள சமூக அமைப்புகளில் உங்களை நீங்களே ஈடுபடுத்திக் கொள்ளலாம். அவ்வாறு செய்யும்பொழுது, நீங்கள் பலரையும் சந்திக்க வாய்ப்புள்ளது. அவற்றின் மூலம் மறைமுகமாக உங்கள் தொழிலும் அபிவிருத்தி அடையும். இவையெல்லாம் சின்ன சின்ன செய்கைகள்தான்.

ஆனால் நடைமுறைக்கு கொண்டு வருவதற்கு உங்களுக்கு சில ஆண்டுகள் ஆகிவிடும். நாம் மேற்கூறிய முறைகளில் உங்கள் மார்க்கெட்டிங்கை செய்யும் பொழுது, ஒரு ஸ்டார்ட்-அப்-பிற்கு குறைந்த செலவில் நிறைய விளம்பரம் கிடைக்கும் தொழிலும் பெருகும்!

prakala@gmail.com

கையெழுத்தின் தலையெழுத்தென்ன?

கல்விப் பயிற்சிக்கும் கையெழுத்துக்கும் ஆழ்ந்த தொடர்பு இருக்கிறது...

கையால் எழுதுவது இன்னமும் அவசியமா? அப்படியொன்றும் அவசியமில்லை என்றே பல கல்வியாளர்கள் கருதுகின்றனர். கையால் எழுதுவது அந்தக் கால வழக்கம் என்று அந்தப் பழக்கத்தைப் பரணில் தூக்கிப்போட காலம் இன்னும் வந்துவிடவில்லை என்று உளவியலாளர்களும் நரம்பியல் நிபுணர்களும் எச்சரிக்கின்றனர். கையெ ழுத்துக்கும் கல்விப் பயிற்சிக்கும் ஆழ்ந்த தொடர்பு இருப்பதை விளக்கும் சான்றுகள் இப்போது வரத் தொடங்கியிருக்கின்றன.

முதலில் கையால் எழுதப் பழகுவதன் மூலம் குழந்தைகள் பாடங்களை வேகமாகக் கற்றுக்கொள் வதுடன், புதிய கருத்துகளைச் சிந்திக்கவும் ஏற்கெனவே கற்றுத்தரப்பட்டவற்றை மனதில் இருத்திக்கொள்ளவும் நன்கு பயிற்சி பெறுகிறார்கள். வேறு வாரத்தைகளில் சொல்வதானால், நாம் என்ன எழுதுகிறோம் என்பதல்ல - எப்படி எழுதுகிறோம் என்பதே முக்கியம்.

எழுத்தும் மூளையும்

நாம் எழுதும்போது, மூளையுடன் தொடர்புள்ள நரம்புமண்டலத் தொடர் தானாகவே செயல்படத் தொடங்குகிறது என்கிறார் பாரீஸ் நகரில் உள்ள பிரெஞ்சுக் கல்லூரியைச் சேர்ந்த உளவியலாளர் ஸ்தானிஸ்லாஸ் தெஹானே. “எழுதப்பட்ட சொல்லில் இருக்கும் அசைவோட்டத்தின் அடிப் படையை மூளை இனம்கண்டுகொள்கிறது. ஒரு வகையான பாவனை ஒத்திகையினை மூளை அடையாளம் கண்டுகொள்கிறது. மூளையில் இருக்கும் இந்த நரம்புத் தொகுப்பு நம்மால் உணர முடியாத வகையில் தனித்துவமான முறையில் பங்களிக்கிறது. கற்றல் என்பது இதனால் எளிமையாகிறது” என்கிறார் அவர்.

இண்டியானா பல்கலைக்கழகத்தைச் சேர்ந்த கரின் ஜேம்ஸ் என்ற உளவியலாளர் 2012-ல் நடத்திய ஆய்வு இந்தக் கருத்துக்கு வலு சேர்க்கிறது. இதுவரை எழுதவோ, படிக்கவோ கற்றிராத குழந்தைகளிடம் சிறு அட்டையில் எழுத்து உருவோ, ஒரு வடிவமோ கொடுக்கப்பட்டது. அதைப் போலவே ஓர் உருவத்தை வெளிப்படுத்த அவர்களுக்கு மூன்று வழிகள் கொடுக்கப்பட்டன. அந்த மூன்றில் ஒன்றை அவர்கள் பின்பற்ற வேண்டும். அந்த எழுத்து அல்லது உரு மீது டிரேஸ் பேப்பர் என்ற மெல்லிய காகிதத்தை வைத்து, கீழே உள்ளதைப்போல அப்படியே புள்ளிபுள்ளியாகச் சேர்க்குமாறு முதலில் கூறப்பட்டது. அடுத்ததாக, வெள்ளைத் தாளில் அந்த உருக்களை அப்படியே பார்த்து வரையுமாறு கூறப்பட்டது. அதற்கும் அடுத்தபடியாக ஒரு கணினி விசைப்பலகையில் தட்டுமாறு வாய்ப்பு தரப்பட்டது. பிறகு அவர்களுடைய மூளை எப்படி இயங்குகிறது என்பதைக் கண்காணிக்க ஸ்கேனர் கருவியுடன் இணைப்பு தரப்பட்டது.

வெள்ளைத் தாளில் அப்படியே பார்த்து எழுதுமாறு கூறப்பட்டபோது மூளைப் பகுதியில் செயலூக்கம் மிகுந்தது. பெரிய பையன்கள் படிக்கும்போதும் எழுதும்போதும் மூளை எப்படிச் சுறுசுறுப்பாக, விரிவாக வேலை செய்யுமோ அதே வகையில் மூளையின் மூன்று பகுதிகளில் செயல்கள் நிகழ்ந்தன. டிரேஸ் பேப்பர் வைத்து வரைந்தபோதும் கணினியில் விசைப்பலகையைத் தட்டியபோதும் வெகு பலவீனமாகத்தான் மூளை யின் செயல்பாடு இருந்தது.

சுதந்திரமும் சிந்தனையும் அதிகம்

சுயமாக எழுதும்போது எழுத்தின் வடிவத்தை மனதில் வாங்கிக்கொண்டு அதை எங்கே ஆரம்பிப்பது, எப்படி வளைப்பது, எங்கே கொண்டுபோய் முடிப்பது என்பதையெல்லாம் சுயமாகத் தீர்மானிப்பதால் சுதந்திரமும் அதிகம், சிந்தனையும் அதிகம், செயலும் அதிகம். முதல்முறையாகப் பார்த்து எழுதும்போதோ, வரையும்

போதோ அப்படியே அச்சுஅசலாக இருக்காது. சில வேறுபாடுகள் இருக்கும். அந்த வேறுபாடுகள்தான் கற்றுக்கொள்வதற்கு வழிவகுக்கும். எழுத்தைச் சரியாக வரைய முடியவில்லையே என்று தோன்றி யதும் எழுத்தின் வடிவத்தைக் கூர்ந்து கவனிக்கவும் எழுதும் முறையைக் கற்றுக்கொள்ளவும் வாய்ப்பு ஏற்படும். இது கவனித்தல், கற்றல், நினைவில் வைத்தல் ஆகிய பயிற்சிகளை ஒருங்கே அளிக்கிறது என்கிறார் டாக்டர் ஜேம்ஸ். டிரேஸ் பேப்பர் வைத்து வரையும்போதும் கணினி விசைப்பலகையில் பார்த்துத் தட்டும்போதும் இந்தச் செயல்களுக்கு வாய்ப்பு மிகமிகக் குறைவு.

A என்ற ஆங்கில எழுத்தை முதல்முறையிலேயே அப்படியே எழுத வராது என்பதால் குழந்தைகள் அதைத் திரும்பத் திரும்ப எழுதிப்பார்த்து அதன் வடிவத்தை அப்படியே கொண்டுவர மூளையின் உதவி நாடப்படுகிறது. இப்படி, பயிற்சி மூலம் மூளையில் பதிந்ததை எழுத்தில் கொண்டுவருவதற்கு கையெழுத்துப் பழக்கம் மிகவும் உதவுகிறது என்று சுட்டிக்காட்டுகிறார் ஜேம்ஸ்.

தாங்களாகவே எழுத்தை அமைக்கும் குழந்தை களுக்கும் அதை வெறுமனே வேடிக்கை பார்க்கும் குழந்தைகளுக்கும் இடையில் என்ன வித்தியாசம் என்று மூளையின் செயல்பாட்டைக் கவனித்ததில், தாங்களாகவே எழுத்தை அமைக்கும் குழந்தைகளின் மூளையில் ஏற்படும் சிந்தனை கைவழியே எழுத்துருவாக வருவதைக் கண்டார். இந்த முயற்சியானது எழுத்துகளை அடையாளம் காண்பதோடு மட்டும் நிற்பதல்ல.

வாஷிங்டன் பல்கலைக்கழகத்தைச் சேர்ந்த வர்ஜீனியா பெர்னிங்கர் என்ற உளவியலாளர் கையெழுத்துப் பழக்கம் தொடர்பாக ஓர் ஆய்வு மேற்கொண்டார். அச்சில் வார்த்து எழுதும்போதும் கையால் சேர்த்தெழுதும்போதும் கணினி விசைப் பலகை மூலம் திரையில் எழுதும்போதும் மூளையின் வெவ்வேறு பகுதிகளில் செயல்கள் நடப்பதைக் கண்டார். ஒவ்வொரு செயலுக்குமான விளைவு தனித்துவத்துடன் திகழ்வதைப் பதிவுசெய்துள்ளார்.

குழந்தைகள் கையால் எழுதியபோது அதிக வார்த்தைகளை அதிக வேகத்தில் எழுதியதுடன் அதிக அளவு கற்பனையையும் வெளிப்படுத்தினர். அவர்களுடைய மூளையைக் கருவி கொண்டு பார்த்து வந்ததில், எழுதுவதற்கும் கற்பனைக்கும் ஆழ்ந்த, நெருக்கமான உறவு இருப்பது தெரிய வந்தது.

சேர்த்தெழுதுதல்

சொந்தமாக ஒரு கட்டுரை எழுதிவாருங்கள் என்று அவர்களுக்கு வேலை கொடுத்தபோது, நல்ல கையெழுத்து உள்ள மாணவர்கள் சுவை யான கட்டுரைகளை எழுதிக் காட்டினார்கள். இப்போதெல்லாம் காப்பி நோட்டுகளில் (இரட்டை வரி, நாலு வரி) சேர்த்தெழுதச் சொல்லும் பழக்கம் குறைந்துவருகிறது.

கற்பதில் குறைபாடு உள்ள சிலருக்கு அச்சில் உள்ள எழுத்துகளைப் படிப்பதில் சிரமமும், கையெழுத்தில் உள்ளதை எளிதில் படிக்கும் ஆற்றலும் காணப்படுகிறது. வேறு சிலருக்கு, இதில் நேர்மாறான தன்மையும் இருக்கிறது. நினைவுக்கும் எழுத்துக்கும் உள்ள ஆழ்ந்த தொடர்பையே இவை யெல்லாம் உணர்த்துகின்றன.

சேர்த்தெழுதும் பழக்கமானது சுயக்கட்டுப் பாட்டை வளர்ப்பதுடன் நினைவிழத்தல் நோய் போன்றவற்றிலிருந்தும் தடுக்கக்கூடிய வாய்ப் பிருக்கிறது என்று டாக்டர் பெர்னிங்கர் கருதுகிறார். கையால் எழுதுவதன் பலன் குழந்தைப் பருவம் தாண்டியும் நமக்குத் துணைக்கு வருகிறது. பெரிய வர்களானதும் விசைப்பலகையில் தட்டுவதில் வேகமும் தேர்ச்சியும் ஏற்படலாம். ஆனால், புதிய தகவல்களைப் பெறும் ஆற்றலும் எழுத்தாற்றலும் குறையக்கூடும்.

பிரின்ஸ்டன் பல்கலைக்கழகத்திலும் கலிபோர் னியா பல்கலைக்கழகத்திலும் சில மாணவர்களை வெவ்வேறு விதமான எழுத்துப் பயிற்சிகளில் ஆழ்த்தி சோதனை மேற்கொண்டனர். கையால் எழுதிய மாணவர்களே கற்றதை நன்கு பதிவு செய்தனர். கையால் எழுதும் மாணவர்கள் வகுப்பறை

களில் ஆசிரியர் கூறுவதை வரிசை மாற்றியும், தங்களுடைய நினைவேற்றத்துக்கு ஏற்ற வகையிலும் எழுதிக்கொள்வது தெரியவந்தது. அதனால், அவர்கள் அந்தப் பாடத்தை நன்கு புரிந்துகொள்வதுடன் எளிதாகவும் மனதில் பதிய வைத்துக் கொள்கிறார்கள். கையால் எழுதுவதன் சிறப்பைப் பலர் வலியுறுத்தினாலும் யேல் பல்கலைக்கழகத்தைச் சேர்ந்த உளவியல் அறிஞர் பால் புளூம் ஒப்புக்கொள்ள வில்லை. “கையால் எழுதுவதன் மூலம், முக்கியம் என்று நீங்கள் கருதுவதன் மீது மட்டும் கவனம் செலுத்துகிறீர்கள், அதனால்தான் நன்றாகச் சிந்திக் கிறீர்கள் என்று கூறலாம்” என்கிறார்.

ரேண்டம் எண் என்றால் என்ன?

பொறியியல் அட்மிஷனில் ரேங்க் பட்டியல் தயாரிப்பதில் ரேண்டம் எண் என்று சொல்கிறார்களே? அது பற்றி விளக்கிக் கூறுங்கள்!

கு. நரேஷ்குமார், கடம்பத்தூர், திருவள்ளூர்.

ஒரே மாதிரியான ரேங்க் மதிப்பெண்கள் (கட் ஆஃப் மதிப்பெண்கள் பெற்றவர்கள்) பலர் இருக்கும் சூழ்நிலையில், யார் எந்த ரேங்க் என்று நிர்ணயிக்கப் பயன்படுத்தப்படும் எண்தான் ரேண்டம் எண். ஒரே அளவு கட் ஆஃப் மதிப்பெண்களை இரண்டு பேர் பெற்றிருக்கிறார்கள் என்று வைத்துக் கொள்வோம்.

அதுபோன்ற சூழ்நிலையில், இரண்டு பேருக்கும் ரேங்க்கை நிர்ணயிப்பது எப்படி? அந்த இரு மாணவர்களும் கணிதப் பாடத்தில் எவ்வளவு மதிப்பெண் பெற்றிருக்கிறார்கள் என்பது முதலில் பார்க்கப்படும். கணிதத்திலும் அவர்கள் இருவரும் ஒரே மதிப்பெண்களைப் பெற்றிருக்கிறார்கள் என்று வைத்துக் கொள்வோம். அதையடுத்து இயற்பியல் பாடத்தில் எவ்வளவு மதிப்பெண் பெற்றிருக்கிறார்கள் என்பது பார்க்கப்படும். அதிலும் ஒன்றாக இருந்தால் அதையடுத்து நான்காவது விருப்பப்பாடமாக இருக்கும் கம்ப்யூட்டர் சயின்ஸ் அல்லது உயிரியல் பாடத்தில் பெற்றுள்ள மதிப்பெண்கள் எவ்வளவு என்று பார்க்கப்படும்.

அதிலும் இருவரும் ஒரே மதிப்பெண்கள் பெற்றிருந்தால், அவர்கள் இருவரது பிறந்த தேதியைப் பார்ப்பார்கள். அதிலும் இருவரும் ஒரே தேதியில் பிறந்திருந்தால் என்ன செய்வது? இதுபோன்ற சூழ்நிலையில், இந்தப் பிரச்சினையைத் தீர்க்க வருவது ரேண்டம் எண். இது கம்ப்யூட்டர் மூலம் உருவாக்கப்படும் 10 இலக்க எண்ணாகும். குலுக்கல் முறையைப் போன்று கம்ப்யூட்டர் மூலம் இந்த எண் உருவாக்கப்படுகிறது. இதில் கூடுதலான எண் வருபவர் ரேங்க் அடிப்படையில் முன்னுரிமை பெற்றவராகக் கருதப்படுவார். இந்த ரேண்டம் எண் நிர்ணயிக்கப்பட்ட பிறகுதான் கவுன்சலிங்கிற்கான ரேங்க் பட்டியல் வெளியிடப்படுகிறது.

மருத்துவ, பொறியியல் கல்லூரிகளில் சேருவதற்கான கட் ஆஃப் மதிப்பெண்களைக் கணக்கிடுவது எப்படி?

திவ்யா, திருப்பாச்சித்தூர், மதுரை

பொறியியல் கல்லூரிகளில் அரசு ஒதுக்கீட்டின்கீழ் உள்ள இடங்களுக்கு ஒற்றைச்சாளர முறையில் மாணவர் சேர்க்கை நடத்தப்படுகிறது. இந்த மாணவர் சேர்க்கைக்கான ரேங்க் பட்டியல், பிளஸ் டூ தேர்வில் கணிதம், இயற்பியல், வேதியியல் ஆகிய பாடப்பிரிவுகளில் மாணவர்கள் பெற்ற மதிப்பெண்களின் அடிப்படையில் தயாரிக்கப்படுகிறது. அதாவது கணிதப்பாடத்தில் 100 மதிப்பெண்களுக்கு மாணவர்கள் பெற்றுள்ள மதிப்பெண்கள் எவ்வளவு என்று பார்க்கப்படும்.

இயற்பியல், வேதியியல் ஆகிய இரு பாடப்பிரிவுகளையும்  சேர்த்து 100 மதிப்பெண்களுக்கு எவ்வளவு மதிப்பெண்கள் என்று கணக்கிடப்படும். இந்த இரண்டையும் சேர்த்து 200 மதிப்பெண்களுக்கு மாணவர்கள் எவ்வளவு மதிப்பெண்கள் பெற்றுள்ளார்களோ அதுதான் கட் ஆஃப் மதிப்பெண்கள் என்று சொல்லப்படும் தகுதி மதிப்பெண்களாகும். இதன் அடிப்படையில்தான் ரேங்க் பட்டியல் தயாரிக்கப்படுகிறது. எடுத்துக்காட்டாக, ஒரு மாணவர் கணக்கில் 180 மதிப்பெண்களும் வேதியியலில் 180 மதிப்பெண்களும் இயற்பியலில்  190 மதிப்பெண்களும் பெற்றிருக்கிறார் என்று வைத்துக் கொள்வோம். அவரது கட் ஆஃப் மதிப்பெண்கள் 182.5 தொழிற்பயிற்சிப் பாடப்பிரிவு மாணவர்களைப் பொருத்தவரை தொடர்புடைய பாடத்திற்கு நூறு மதிப்பெண்களும் தொழிற்பயிற்சிப் பாடத்திற்கு (தியரி மற்றும் பிராக்டிக்கலைச் சேர்த்து) நூறு மதிப்பெண்களும் சேர்த்து 200-க்கு எவ்வளவு என்பதன் அடிப்படையில் கட் ஆஃப் மதிப்பெண்கள் கணக்கிடப்படுகிறது. பொதுப் பிரிவு மாணவர்களுக்கு கவுன்சலிங் நடைபெறுவதற்கு முன்னதாகவே தொழிற்பயிற்சிப் பிரிவு (வொகேஷனல்) மாணவர்களுக்கான கவுன்சலிங் தனியே நடத்தப்படும்.

பி.ஆர்க். படிப்புகளுக்குத் தனியே ரேங்க் பட்டியல் தயாரிக்கப்பட்டு கவுன்சலிங் நடத்தப்படும். நேட்டா நுழைவுத் தேர்வில் மாணவர்கள் 200-க்கு எவ்வளவு மதிப்பெண்கள் பெற்றிருக்கிறார்கள் என்பதுடன், பிளஸ் டூ தேர்வில் மாணவர்கள் பெற்றுள்ள மொத்த மதிப்பெண்களில் 200-க்கு எவ்வளவு எடுத்துள்ளார்கள் என்பதும் கணக்கிடப்பட்டு பி.ஆர்க். ரேங்க் பட்டியல் தயாரிக்கப்படும்.

எம்பிபிஎஸ், பிடிஎஸ் உள்ளிட்ட மருத்துவப் படிப்புகளைப் பொருத்தவரை உயிரியல் அல்லது தாவரவியல் மற்றும் விலங்கியல் பாடத்துக்கு நூறு மதிப்பெண்களுக்கு எவ்வளவு மதிப்பெண்கள் என்றும் வேதியியல் மற்றும் இயற்பியல் பாடங்களுக்கு நூறு மதிப்பெண்களுக்கு எவ்வளவு மதிப்பெண்கள் என்றும் கணக்கிடப்பட்டு மாணவர்கள் 200-க்கு எவ்வளவு மதிப்பெண்கள் பெற்றுள்ளார்கள் என்பதன் அடிப்படையில் ரேங்க் பட்டியல் தயாரிக்கப்படும்.

எனது கட் ஆஃப் மதிப்பெண்கள் 186.5. எனக்கு எந்தப் பொறியியல் கல்லூரியில் இடம் கிடைக்கும்?

கொ.அமுதினி, சிவியம்பாளையம், நாமக்கல்

நீங்கள் பெற்றுள்ள மதிப்பெண்களை வைத்து எந்தெந்தக் கல்லூரிகளில் இடம் கிடைக்கும் என்பதை இப்போதே திட்டவட்டமாகக் கூற முடியாது. ரேங்க் பட்டியல் வெளியிடப்பட்டாலும்கூட, நாம் துல்லியமாகக் கணக்கிட்டு விட முடியாது. அதேசமயம், கடந்த ஆண்டு நிலவரத்தை வைத்து உத்தேசமாகத் தெரிந்து கொள்ளலாம். கடந்த ஆண்டில் எந்தெந்தக் கல்லூரிகளில் எந்தெந்தப் பாடப்பிரிவுகளில் எந்த மதிப்பெண்கள் பெற்றுள்ளவர்களுக்கு இடம் கிடைத்துள்ளது என்ற விவரங்கள் இடஒதுக்கீட்டுப் பிரிவு வாரியாக அண்ணா பல்கலைக்கழக இணையதளத்தில் வெளியிடப்பட்டுள்ளன. அதைப் பார்த்து நீங்கள் விரும்பும் கல்லூரியில் நீங்கள் விரும்பும் பாடப்பிரிவில் எந்த மதிப்பெண்கள் வரை பெற்றுள்ளவர்களுக்கு இடம் கிடைத்துள்ளது என்பதைத் தெரிந்து கொள்ளலாம்.

நமது மதிப்பெண்களை விட ஒன்றிரண்டு மதிப்பெண்கள் அது குறைவாக இருந்தால் அந்தப் பாடப்பிரிவில் இடம் கிடைக்க சாத்தியம் உள்ளது என்றும் நமது மதிப்பெண்களைவிட ஒன்றிரண்டு மதிப்பெண்கள் கூடுதலாக இருந்தால் அந்தப் பாடப்பிரிவில் இடம் கிடைக்க சாத்தியம் குறைவாக உள்ளது என்றும் கருதலாம். இதைப்போல, அண்ணா பல்கலைக்கழக இணையதளத்தைப் பார்த்து நீங்கள் விரும்பும் கல்லூரிகளில் விரும்பும் பாடப்பிரிவுகளைப் பார்த்து முன்னதாகவே பட்டியலிட்டு வைத்துக் கொண்டால், கவுன்சலிங்போது கல்லூரிகளைத் தேர்வு செய்ய உதவியாக இருக்கும். அத்துடன், கவுன்சலிங் தேதிக்கு முன்னதாக உங்களது பட்டியலை அப்டேட் செய்து கொள்ள முடியும்.

அண்ணா பல்கலைக்கழக இணையதள முகவரி:  www.annauni.edu

டாக்டர் ஆக என்ன திறமை வேண்டும்?

என். ஹரிபிரசாத்

டாக்டராவதற்கு பிளஸ் டூ தேர்வில் மிக அதிக மதிப்பெண்களுடன் வேறு என்ன திறமைகள் வேண்டும் என்பதை விளக்குகிறார் அரசு ஸ்டான்லி மருத்துவக் கல்லூரியின் குடல்  இரைப்பை மருத்துவத் துறை முன்னாள் தலைவர் டாக்டர். ஆர்.சுரேந்திரன்

பிளஸ் டூ தேர்வில் அதிக மதிப்பெண்கள் எடுத்துவிட்டோம். அடுத்து அந்த மதிப்பெண் அடிப்படையில் மருத்துவக் கல்லூரியில் படிக்க இடம் கிடைக்கிறது. அடுத்து ஐந்தரை ஆண்டுப் படிப்பு. ஒரு டாக்டராக உருவாக இது மட்டும் போதுமா? அதற்கு ஒரு கனவு வேண்டும்.  மதிப்பெண்கள் என்பது ஒரு அளவீடு மட்டுமே. அது மாணவர்களின் திறமையை நிர்ணயம் செய்வது கிடையாது. எம்.பி.பி.எஸ்., பி.டி.எஸ். என்று மருத்துவம் சார்ந்த படிப்புகள் எதை தேர்வு செய்தாலும் சரி, அதனை ஒரு லட்சியமாக எடுத்துப் படிக்கும் மாணவர்களால் மட்டுமே நன்றாகப் பரிணமிக்க முடியும்.

சிறந்த மதிப்பெண்கள் பெறும் மாணவர்கள் மருத்துவக் கல்லூரியில் சேரத் தேர்வு பெறுகிறார்கள். ஆனால் அதில் ஒரு சில மருத்துவர்களே சமுதாயத்தில் சிறந்த மருத்துவர்களாக உருவாகிறார்கள். புரிதல்  இல்லாதபோது யாரோ ஒருவரின் நிர்ப்பந்தத்திற்கு ஏற்ப படிக்க வேண்டுமே என்ற சூழ்நிலை மாணவர்கள் மத்தியில் உள்ளது. மதிப்பெண்கள் பெற்றுவிட்டோம், பெற்றோர்கள் சொல்கிறார்கள் என்று  மருத்துவத் துறையை தேர்வு செய்யக்கூடாது. நாம் மருத்துவத் துறைக்கு எதற்காகப் படிக்கச் செல்கிறோம் என்ற கேள்வியை மாணவர்கள் அவர்கள் மனதில் கேட்டுக்கொள்ள வேண்டும். அந்தக் கேள்விக்கு ஓர் உறுதியான பதில் கிடைத்துவிட்டால் தாராளமாக மருத்துவத் துறையை எடுத்து விரும்பிப் படிக்கலாம்.

நம் நாட்டில் 17 வயதில் பள்ளிப்படிப்பு முடித்த ஒரு மாணவரால்,  தான் என்னவாக ஆக வேண்டும் என்ற முடிவை எடுக்க முடியாது. ஒரு தடுமாற்றம் இருக்கும். குழப்பதோடு எடுக்கும் முடிவுகள் சில நேரங்களில்  தவறுதலாகப் போகும் வாய்ப்பும் உண்டு. ஆனால் இது போன்ற சூழ்நிலை வெளிநாடுகளில் இல்லை. நம் நாட்டில் 17 வயதில் மருத்துவத்துறையில் படிக்க ஆரம்பித்துவிடலாம். ஆனால் அமெரிக்கா போன்ற வெளிநாடுகளில் பள்ளிப்படிப்பு முடித்ததும் ஏதேனும் ஓர்  இளநிலைப் படிப்பை கட்டாயமாக படிக்க வேண்டும். இளநிலைப் படிப்பு முடிந்தவுடன்  மருத்துவப் படிப்பில் சேரலாம். அதற்கும் சில விதி முறைகள் உண்டு. மதிப்பெண்கள் மட்டும் அங்கு தேர்வு முறையில் எடுத்து கொள்வது இல்லை. ஆப்டிடியூட் மற்றும் அட்டிடியூட் தேர்வு வைக்கப்பட்டு தேர்வு செய்யப்படுகிறார்கள்.

அதனால் அங்கு திறமை வாய்ந்த டாக்டர்கள் உருவாகிறார்கள். ஆனால் அது போன்ற முறைகள் இப்போது தமிழ்நாட்டில் நடக்கும் தேர்வு முறையில் இல்லை.
மருத்துவத்துறையில் தற்போது யாரும் எம்.பி.பி.எஸ். படிப்போடு நிறுத்தி விடுவதில்லை. மேற்கொண்டு முதுநிலைப் படிப்புகளைப் படிக்க வேண்டும் என்று  மாணவர்கள் படிக்கும்போதே திட்டம் போட்டு வைத்துக் கொள்கிறார்கள். இதனால் மாணவர்கள் தங்களின் சொந்த விருப்பத்தின் அடிப்படையில் மருத்துவம் சார்ந்த புதிய விஷயங்களை தினமும் படித்துக்கொண்டே இருக்க வேண்டும். அப்போது தான் தேடல்கள் அதிகரிக்கும்.

மாணவர்கள் கவுன்சலிங்  செல்லும்போது சில விஷயங்களை மனதில் கொள்ள வேண்டும். பெற்றோருக்காக படிக்கப் போகிறோமா? மக்களுக்குச் சேவை செய்யும் மனப்பான்மையில் படிக்கப் போகிறோமோ? பணம் சம்பாதிப்பதற்காகப் படிக்கப் போகிறோமோ?  பணம் சம்பாதிப்பதற்கு உலகில் நிறைய வழிகள் உள்ளன. இதுபோன்ற சிந்தனையுடன் இருக்கும் மாணவர் டாக்டர் படிப்பில் சேர்ந்து டாக்டர் பட்டத்தைப் பெற முடியும். ஆனால்  சிறந்த டாக்டர் ஆவது சிரமம்.

ஒரு நல்ல டாக்டர் என்பவர், நோயாளிகளுக்கு ஏற்பட்டுள்ள நோய்களை அவர்களுக்கு இருந்து பார்க்க வேண்டும். அப்போது தான் அவர்களுக்கான சிகிச்சையை முறையாக தர முடியும். வலியுடன் வரும் மனிதனுக்கு அந்த வலியை போக்கி, நலமுடன் இருக்கச் செய்யும் போது அந்த மனிதன் சொல்லும் நன்றி வேறு எதற்கும் ஈடாகாத ஒன்று. மரணத்தின் கடைசித் தருவாயில் இருக்கும் மளிதர்களை காப்பாற்றும் போது கிடைக்கும் மன திருப்தி வேறு எதிலும் கிடைக்காது. கடினமான உழைப்பும், சிதறாத குறிக்கோளும் கொண்டுள்ள மாணவர்கள் நிச்சயமாக சிறந்த டாக்டராக சமுதாயத்தில் ஜொலிக்க முடியும்.

ஐராவதம்  மகாதேவனுக்கு விருது

மும்பை ஏசியேட்டிக் சொசைட்டி வழங்கும் கௌரவமிக்க விருதான கேம்பெல் நினைவு தங்கப் பதக்கம் பெற சர்வதேசப் புகழ் பெற்ற கல்வெட்டியல் ஆராய்ச்சியாளரும் ‘தினமணி’ நாளிதழின் முன்னாள் ஆசிரியருமான ஐராவதம் மகாதேவன் தேர்வு செய்யப்பட்டுள்ளார்.அவரது கல்வெட்டியல் துறை ஆய்வுகளை கௌரவிக்கும் வகையில்,  வருகிற நவம்பர் 26-ஆம் தேதி நடைபெறும் நிறுவன தின விழாவில் அவருக்கு இந்த விருது வழங்கப்படும். ஐஏஎஸ் அதிகாரியாக இருந்து ஓய்வு பெற்ற ஐராவதம் மகாதேவன், பத்மஸ்ரீ விருது, ஜவஹர்லால் நேரு ஃபெல்லோஷிப், தொல்காப்பியர் விருது உள்ளிட்ட பல்வேறு விருதுகளைப் பெற்றவர்.

நீங்கள் எந்தத் தொழிலுக்கு ஏற்றவர்? கண்டுபிடிக்கும் சூட்சுமங்கள்

சொந்தமாகத் தொழில் தொடங்கி, ஒரு பிசினஸ்மேனாக வலம் வரவேண்டும் என்பது என் மனத்தில் இருக்கும் நீண்டநாள் ஆசை. சொந்தத் தொழில் தொடங்குவதற்கு கையில் ஓரளவுக்கு பணமும் இருக்கிறது. ஆனால், என்ன தொழில் செய்வது என்று தெரியவில்லை. நல்ல லாபம் கிடைக்கிற மாதிரி, எனக்கு தோதான ஒரு பிசினஸை சொல்ல முடியுமா?’

இந்தக் கேள்வியைப் பலரிடம் கேட்டபின்னும் பதில் கிடைக்காமல் தவிப்பவர்கள் பலர். ஒருகாலத்தில் பிசினஸ் என்றாலே அதில் இறங்க பலரும் பயப்படுவார்கள். ஆனால், இன்றைக்கு நிறைய இளைஞர்கள் சொந்தமாகத் தொழில் தொடங்குவதில் ஆர்வமாக இருக்கிறார்கள். அரசாங்க வேலைவாய்ப்புகள் குறைந்தது; பிசினஸ் நடைமுறைகள் ஓரளவுக்கு எளிதாக இருப்பது என சமீபத்தில் நடந்த பல மாற்றங்களின் விளைவாக, இன்றைய இளைஞர்களின் கவனம் பிசினஸ் பக்கம் திரும்பியிருக்கிறது.

என்றாலும், தனக்கான தொழில் எது என்பதைத் தேர்வு செய்வதில் பலருக்கும் பலவிதமான குழப்பம். ஏற்கெனவே தெரிந்த தொழிலை செய்வதா, புதிதாகக் கற்றுக்கொண்டு செய்வதா என பல கேள்விகள். உங்களுக்கான தொழிலை நீங்கள் கண்டுபிடிப்பது எப்படி?

சொந்தத் தொழில் செய்வதற்கான விருப்பமுள்ளவர்களை மூன்று வகையாகப் பிரித்துக்கொள்வோம்:

1. முன்பின் வேலைக்குச் செல்லாத வர்கள் அல்லது தொழில் அனுபவம் சிறிதும் இல்லாதவர்கள் (இருபது வயதில் உள்ள இளம் வயதினர்).

2. சில ஆண்டுகள் வேலைக்குச் சென்றவர்கள் (முப்பது/நாற்பது வயதில் இருப்பவர்கள்).

3. ஓய்வுக்காலம் வரை வேலையில் இருந்தவர்கள் (ஐம்பது / அறுபதுகளில் இருப்பவர்கள்).

முதலில், இளம்வயதினரைப் பார்ப்போம். இந்த வயதினருக்கு அதிக முதிர்ச்சி இருக்காது. ஆகவே, ஓரிரு நண்பர்களுடன் அல்லது சற்று முதிர்ச்சியான நபர்களுடன் சேர்ந்து தொழில் ஆரம்பித்தால், தொழிலைக் கற்றுக்கொள்வதற்கு சிறந்த வாய்ப்பாக அமையும். இவர்கள் கல்லூரியில் படித்தபோது ஏதேனும் புராஜக்ட் செய்திருந்தார்களேயானால், அதைச் சார்ந்த தொழிலை ஆரம்பிக்கலாம்.

இளம் வயதினர் என்பதால் சற்று புதிய தொழில்நுட்பம் உள்ள தொழில்களை அல்லது ஆராய்ச்சி சார்ந்த தொழில்களை ஆரம்பிக்கலாம். வேறு தொழிலதிபர்களுடன் ஒப்பிடும்போது, கல்வி மற்றும் தொழில்நுட்பம் இவர்களிடம் இருக்கும் மிகப் பெரிய அனுகூலம் ஆகும்.

எந்தத் தொழில் செய்ய விருப்பம் என முடிவு செய்துவிட்டால், ஓராண் டாவது அந்தத் தொழிலில் உள்ள நிறுவனங்களில் வேலைக்குச் சேர்ந்து அனுபவம் பெறுங்கள். அனுபவம் இல்லாமல் எந்தத் தொழிலிலும் இறங்கி ஜெயிக்க முடியாது.

தொழில் ஆர்வமுள்ள இளம் வயது வாலிபர்களுக்கு எந்தத் தொழிலைப் பார்த்தாலும் அதைச் செய்வதில் ஆர்வம் அதிகமாக இருக்கும். இந்தச் சமயம் ஆர்வத்தை ஓரளவு கட்டுப்படுத்திக்கொண்டு யதார்த்தத்தில் தனக்கு எந்தத் தொழில் சரிப்பட்டு வரும் என நன்கு யோசிக்க வேண்டும்.

இந்த வயதினருக்குத் தொழில் அனுபவம் இருக்காது என்பதால், புதிதாக எந்தத் தொழிலில் வேண்டுமானாலும் இறங்கலாம். ஏனென்றால், எந்தத் தொழில் என்றாலும் இவர்களுக்குப் புதிய ஆரம்பம்தான். இவர்கள் முதலில் எந்தத் துறையில் நல்ல வாய்ப்பு உள்ளது, எந்தத் துறையில் நல்ல வளர்ச்சி இருக்கும் மற்றும் நல்ல லாபம் இருக்கும் என்பதைப் பார்க்க வேண்டும். அந்தத் துறை தங்களுக்குப் பிடிக்கிறதா என்றும் பார்க்க வேண்டும். அல்லது தங்களால் அந்தத் துறையை நேசிக்க முடியுமா என்று பார்க்க வேண்டும்.

பொதுவாக, இந்த வயதினரிடம் அதிகமாகப் பணம் இருக்காது என்பதால் குறைந்த முதலீடு உள்ள தொழில்களை நாடலாம். ஐ.டி, லாஜிஸ்டிக்ஸ், புரோக்கிங், டிரேடிங், சுற்றுலா திட்டமிடல், சர்வீஸ் மையங்கள் போன்ற சேவைத் தொழில்களை ஆரம்பிக்கலாம். சிறிய வயது என்பதால் அவர்களால் நன்றாக அவர்களின் சேவைகளை/ உற்பத்தி செய்யும் பொருட்களை மார்க்கெட்டிங் செய்ய முடியும்.

இனி, இரண்டாவது தரப்பினரைப் பற்றிப் பார்ப்போம். இவர்கள் சில ஆண்டு மட்டுமே வேலைக்குச் சென்றவர்கள். வேலை பிடிக்காமலோ அல்லது வேலை திடீரென்று போய்விட்டதாலோ அல்லது தொழில் செய்வதன் மீது உள்ள அளவிட முடியாத ஆர்வத்தினாலோ அல்லது இரண்டாவது வருமானம் தேடியோ தொழில் செய்ய முன்வருவார்கள்.

இந்த நிலையில் உள்ளவர்களுக்கு ஏற்கெனவே தொழில் பற்றிய ஞானம் ஓரளவுக்கு இருக்கும். அதன் நெளிவுசுழிவுகள் புரிந்திருக்கும். ஓரளவுக்கு முதிர்ச்சியும் வந்திருக்கும். அவர்கள் வேலை செய்த ஆண்டுகளைப் பொறுத்து, அந்தத் தொழில் பற்றிய விவரங்கள் நன்றாகத் தெரிந்திருக்கும். ஆகவே, இந்த அறிவை வைத்து அதே தொழிலையோ அல்லது அது சார்ந்த தொழிலையோ ஆரம்பிப்பதுதான் உசிதமாக இருக்கும்.

இவர்கள் ஏற்கெனவே பெரிய நிறுவனங்களில் வேலை பார்த்திருக்க லாம். அந்த நிறுவனத்திலிருந்து விலகியபின் அந்த நிறுவனத்துடன் நல்ல உறவு வைத்திருக்கலாம். அப்படி  இருப்பவர்கள், அந்த நிறுவனம் தரும்   கான்ட்ராக்ட் வேலைகளை எடுத்துச் செய்யலாம். அந்த நிறுவனத்துக்கு தேவையான பொருட்களை வெளியிலிருந்து வாங்கித்தரலாம்.

பெரிய தொழில் நிறுவனங்களில் இன்ஜினீயராக வேலை பார்த்தவர்கள், தன்னோடு நன்கு பழகிய, திறமைசாலி நண்பர்களுடன் சேர்ந்து, புதிதாக தொழில் தொடங்கலாம். ஏற்கெனவே செய்த தொழிலோடு உங்களுக்கு எந்தளவு உறவு உள்ளதோ, அந்த அளவுக்கு உங்கள் வெற்றி உறுதி!

இனி, மூன்றாவது பிரிவினரைப் பார்ப்போம். நான் ஓய்வுபெறுகிற வரை ஆட்டோமொபைல் துறையில் அல்லது வங்கியில் வேலை செய்தேன் என்று சொல்பவர்கள், அந்தத் துறை சார்ந்த தொழிலை ஆரம்பிப்பதுதான் சிறந்தது. காரணம், முன்பின் தெரியாத ஒரு தொழிலை இந்த வயதில் புதிதாகத் தெரிந்துகொண்டு செய்வதைவிட, ஏற்கெனவே நன்கு தெரிந்த தொழிலில் ஜெயிப்பது சுலபம். தவிர, வயது அதிகம் என்பதால், முற்றிலும் புதிய தொழிலில் நுழைந்து ரிஸ்கும் எடுக்க முடியாது.

உதாரணமாக, வங்கியில் வேலை பார்த்தவர்கள் வங்கிகளுக்கு ஆடிட்டிங் செய்துதரலாம் அல்லது லோன் பிராசஸிங் ஏஜென்சி நடத்தலாம். கடன் ஆலோசகராகத் தொழில் செய்யலாம். இப்படி பலவிதமான வாய்ப்புகள் இருப்பதை அவர்கள் எளிதாகக் கண்டுபிடித்து, அந்தத் தொழில் செய்து எளிதில் ஜெயிக்க முடியும்.

ஃப்ரான்சைஸிங் (Franchising)

என்னிடம் பணம் இருக்கிறது. ஆனால், நீங்கள் சொன்னதெல்லாம் எனக்கு சரிப்பட்டு வராது என்கிறவர்கள்   ஃப்ரான்சைஸிங் (Franchising)   முறையின் மூலம் தொழில் துவங்கலாம். இதில் ஃப்ரான்சைஸர் (Franchisor) தொழில் பற்றிய நுணுக்கங்கள், தொழிலுக்குத் தேவையான தளவாடங்கள், பொருட்கள் போன்ற அனைத்தையும் தொழில் ஆரம்பிப்பவருக்குத் தந்துவிடுவார். இதற்கான கட்டணத்தையும், கமிஷனையும் தந்துவிட்டு, வியாபாரத்தைப் பெருக்க வேண்டிய வேலை உங்களுடையது.

ஃப்ரான்சைஸிங் மூலம் என்னென்ன வாய்ப்புகள் இருக்கிறது என்பதைத் தெரிந்துகொண்டு, உங்களுக்குத் தோதான ஒரு தொழிலையும் தேர்ந்தெடுத்து ஜெயிக்கலாம்!

உங்களுக்கான தொழிலை கண்டுபிடிக்கும் சூட்சுமம் இப்போது புரிந்ததா?

என்ஜினீயரிங் : எந்தப் படிப்புக்கு போட்டி?

எந்தப் படிப்பில் மாணவர்கள் அதிகம் சேருகிறார்களோ அந்தப் படிப்புக்குத்தான் மதிப்பு இருக்கிறது என்று கருதி அந்தப் படிப்பைத் தேர்வு செய்யாதீர்கள். ஒரு படிப்பில் சேருவதற்கு உங்களது விருப்பமும் அதற்கேற்ற திறமையும்தான் முக்கியம். பொறியியல் படிப்புகளில் உயர்ந்தது, தாழ்ந்தது என்று எதுவும் கிடையாது. எந்தப் பொறியியல் படிப்பை எடுத்துப் படித்தாலும் சிறப்பாகப் படிக்கும் மாணவர்களுக்கு நல்ல வேலைவாய்ப்பு கிடைத்து விடுகிறது என்பதுதான் யதார்த்தம்.

இன்றைய மாணவர்களைக் கவர்ந்திழுக்கும் முக்கியப் படிப்பு, என்ஜினீயரிங். தகவல் தொழில்நுட்பத் துறையின் வளர்ச்சி காரணமாக பொறியியல் பாடப்பிரிவுகளை எடுத்துப் படிக்கும் சிறந்த மாணவர்களுக்கு கேம்பஸ் இன்டர்வியூ மூலம் வேலை கிடைத்து விடுகிறது. எனவே, பிளஸ் டூ வகுப்பில் கணிதத்தை ஒரு பாடமாக எடுத்துப் படிக்கும் மாணவர்கள் பொறியியல் படிப்புகளில் சேருவதில் ஆர்வம் காட்டுகிறார்கள். தற்போது, தமிழ்நாட்டில் 550-க்கும் மேற்பட்ட பொறியியல் கல்லூரிகளில் 50-க்கும் மேற்பட்ட இளநிலை பொறியியல் பட்டப் படிப்புகள் உள்ளன. பல்வேறு பொறியியல் பட்டப் படிப்புகள் இருந்தாலும்கூட, தற்போதைய நிலவரப்படி மெக்கானிக்கல், எலெக்ட்ரானிக்ஸ் அண்ட் கம்யூனிக்கேஷன் என்ஜினீயரிங் போன்ற குறிப்பிட்ட சில பாடப் பிரிவுகளில் சேருவதிலேயே பல மாணவர்கள் போட்டி போடுகிறார்கள்.  

ஒரு காலத்தில் கம்ப்யூட்டர் சயின்ஸ், இன்பர்மேஷன் டெக்னாலஜி துறைகளில் போட்டி போட்டுக்கொண்டு சேர இருந்த ஆர்வம் தற்போது குறைந்து விட்டது என்றாலும்கூட, எப்படியும் ஏதாவது ஒரு நிறுவனத்தில் வேலைவாய்ப்பு கிடைத்துவிடும் என்று நினைத்து இப்படிப்பில் தொடர்ந்து மாணவர்கள் சேருகிறார்கள்.

இந்தப் படிப்பில் மொத்த இடங்களில் சேருகின்ற மாணவர்களின் சதவீதம் குறைந்திருக்கிறதே தவிர, சேரும் மாணவர் எண்ணிக்கையைப் பார்க்கும்போது அது கணிசமாகத்தான் இன்னமும் இருக்கிறது. கடந்த ஆண்டில் கம்ப்யூட்டர் சயின்ஸ் பாடப்பிரிவில் அரசு ஒதுக்கீட்டின்கீழ் இருந்த 33,505 இடங்களில் 15,684 இடங்கள் நிரம்பின. காலியாக இருந்த இடங்களின் எண்ணிக்கை 17,821. இன்பர்மேஷன் டெக்னாலஜி படிப்பில் 16,466 இடங்களில் 6,705 இடங்கள் பூர்த்தியாகின. அதாவது, ஐ.டி. படிப்பில் கவுன்சலிங் முடிவில் இருந்த காலி இடங்களின் எண்ணிக்கை 9,761.

மாணவர்களிடம் அதிக ஆர்வம் இருப்பதாகக் கருதப்படும் மெக்கானிக்கல் என்ஜினீயரிங் பாடப்பிரிவில் இருந்த இடங்களின் எண்ணிக்கை 41,271. அதில் 32,794 இடங்கள் பூர்த்தியாகின. அந்தப் படிப்பிலும் 8,477 இடங்கள் காலியாக இருந்தன. இதேபோல, எலெக்ட்ரானிக்ஸ் அண்ட் கம்யூனிக்கேஷன் என்ஜினீயரிங் படிப்பில் உள்ள 42,996 இடங்களில் 24,992 இடங்கள் மட்டுமே பூர்த்தியாகின. இப்படிப்பில் 18,004 இடங்கள் காலியாக இருந்தன.

சிவில் என்ஜினீயரிங் படிப்பில் இருந்த 26,104 இடங்களில் 18,922 இடங்கள் பூர்த்தியாகின. எலெக்ட்ரிக்கல் அண்ட் எலெக்ட்ரானிக்ஸ் பாடப்பிரிவில் 26,790 இடங்களில் 13,734 இடங்கள் பூர்த்தியாகி உள்ளன. ஏரோநாட்டிக்கல் என்ஜினீயரிங் படிப்பில் இருந்த 3,231 இடங்களில் 1,585 இடங்களும், ஆட்டோமொபைல் என்ஜினீயரிங் படிப்பில் 2555 இடங்களில் 1,309 இடங்களும், பயோ டெக்னாலஜி மற்றும் இன்டஸ்ட்ரியல் பயோ டெக்னாலஜி படிப்பில் 1,275 இடங்களில் 1,086 இடங்களும் பூர்த்தியாகின.

சென்ற ஆண்டின் முதல் கட்ட கவுன்சலிங் முடிவில் 80 ஆயிரத்துக்கு மேற்பட்ட இடங்கள் காலியாக இருந்தன. மெக்கானிக்கல் என்ஜினீயரிங் போன்ற சில படிப்புகளில் மாணவர்களின் ஆர்வம் அதிகமாகி இருப்பதையும் கம்ப்யூட்டர் சயின்ஸ், ஐ.டி. போன்ற படிப்புகளில் மாணவர்களின் ஆர்வம் குறைந்து வருவதையும் இந்தப் புள்ளிவிவரங்கள் காட்டுகின்றன. இதேபோல குறைந்த எண்ணிக்கையில் உள்ள பயோ டெக்னாலஜி போன்ற படிப்புகளில் குறைந்த எண்ணிக்கையிலான இடங்களே காலியாக இருந்தன. என்ஜினீயரிங் படிப்பில் நமது தேவைக்கு அதிகமாகவே இடங்கள் இருப்பதால் கடந்த ஆண்டுகளைப் போலவே இந்த ஆண்டும் காலி இடங்கள் இருக்கும் என்று எதிர்பார்க்கப்படுகிறது. எனவே, மாணவர்கள் பொறியியல் படிப்பைத் தேர்வு செய்வதில் பிரச்சினை இருக்காது. தாங்கள் விரும்பும் பாடப்பிரிவு தங்களுக்கு விருப்பமான கல்லூரிகளில் கிடைக்குமா என்றுதான் பார்க்க வேண்டியதிருக்கும்.

“மாணவர்கள் எந்தப் படிப்பில் சேர அதிகம் போட்டி போடுகிறார்கள் என்பதை வைத்து மட்டுமே டாப் டென் படிப்புகள் என்று கணக்குச் சொல்லிவிடுவது சரியாக இருக்காது. மாணவர்களின் ஆர்வத்துக்கும் நடைமுறை யதார்த்தத்துக்கும் இடையே நிறைய இடைவெளி இருக்கின்றன. குறிப்பிட்ட படிப்பில் சேர்ந்து விடுவதால் மட்டுமே மாணவருக்கு வேலை கிடைத்து விடும் என்று சொல்லி விட முடியாது. மற்ற மாணவர்கள் ஒரு குறிப்பிட்ட படிப்பை எடுத்துப் படிக்கிறார்கள் என்பதற்காக அந்தப் படிப்பை மற்ற மாணவர்களும் தேர்வு செய்ய வேண்டும் என்பது அவசியமில்லை. ஒரு குறிப்பிட்ட சில படிப்புகள், குறிப்பிட்ட சில மாணவர்களுக்கு ஏற்றதாக இருக்கும். குறிப்பிட்ட படிப்பில் ஆர்வமும் அதற்கு ஏற்ற திறமையும் இருந்தால் மட்டுமே அந்தப் படிப்பில் சேர்வது நல்லது.

மற்றவர்கள் சேருகிறார்கள் என்பதற்காக தங்களுக்கு ஆர்வமில்லாத படிப்புகளில் சேர்ந்து படிக்கக் கூடாது” என்கிறார் பெருந்துறை மகாராஜா பொறியியல் கல்லூரி இணைப் பேராசிரியர் மூர்த்தி செல்வக்குமரன். “சில குறிப்பிட்ட பாடப்பிரிவுகளில் படிக்கும் மாணவர்களின் எண்ணிக்கை குறைவாக இருக்கும். எனவே, அந்தப் பாடப்பிரிவுகளில் சேர்ந்து படிக்கும்  சிறந்த மாணவர்களுக்கு வேலை கிடைத்து விடும். சில குறிப்பிட்ட பாடப்பிரிவுகளில் மாணவர்கள் எண்ணிக்கை அதிகமாக இருக்கும்போது, அந்த அளவுக்கு அதில் வேலைவாய்ப்பு இல்லை என்றால் அந்தப் படிப்பைப் படித்த பல மாணவர்களுக்கு வேலை கிடைக்காமல் போய் விடும் என்பதையும் கவனத்தில் கொள்ளவேண்டும்” என்கிறார்கள் கல்வியாளர்கள்.

அத்துடன், சிறந்த கல்வி நிறுவனங்களில் படிப்பது நமது திறமைகளை வளர்க்க உதவியாக இருக்கும் என்பதால், நாம் விரும்பும் பாடப்பிரிவை படிப்பதற்கு சிறந்த கல்வி நிறுவனத்தை தேர்வு செய்ய வேண்டும். சிறந்த கல்வி நிறுவனத்தில் படிக்க வேண்டும் என்பதற்காக தங்களது விருப்பமான பாடத்தில் இடம் கிடைக்காத சூழ்நிலையில், தங்களது அடுத்த விருப்பப் பாடத்தைத் தேர்வு செய்யும் மாணவர்களும் இருக்கிறார்கள். ஒரு படிப்பில் சேருவதற்கு முன்னதாக அந்தப் படிப்பைப் பற்றித் தெரிந்துகொள்ள வேண்டும். அத்துடன், அந்தப் படிப்பு, நமது திறமைகளுக்கு ஏற்றதாக இருக்கிறதா என்பதையும் பார்க்க வேண்டும். எதிர்காலத்தில் என்ன வேலையில் சேர விரும்புகிறோமோ அதற்கு ஏற்ற வகையில் இந்தப் படிப்பு இருக்குமா என்றும் பார்க்க வேண்டும். சில மாணவர்களுக்குக் குறிப்பிட்ட படிப்பில் ஆர்வம் இருக்கும். ஆனால், அதில் போதிய திறமை இருக்காது. அதுபோன்ற நிலையில், அந்தப் பாடப்பிரிவை எடுத்தால், அந்தப் பாடத்தைப் படிக்கத் திணற வேண்டியதிருக்கும்.

“படிப்புகளுக்கான பாப்புலாரிட்டி என்பது வட்ட சுழற்சி போன்றது. ஒரு காலத்தில் மாணவர்களிடம் பாப்புலராக இருந்த படிப்புகள், மற்றொரு காலத்தில் அந்தப் படிப்புகளுக்கான பாப்புலாரிட்டி குறைந்து போகும். கொஞ்ச காலத்திற்கு முன்பு மெக்கானிக்கல், சிவில் என்ஜினீயரிங்கில் மாணவர்களிடம் போதிய ஆர்வம் இல்லாததால் பல கல்லூரிகள் தங்களது சீட்களை சரண்டர் செய்தன. தற்போது நிலைமை மாறி மெக்கானிக்கல் என்ஜினீயரிங்கில் மாணவர்கள் போட்டி போட்டுக்கொண்டு சேர முயற்சி செய்கிறார்கள். இந்த நிலைமை அடுத்த நான்கு ஆண்டுகளில் மாறக்கூடும். எனவே, பாடப்பிரிவுகளைத் தேர்வு செய்வதில் பாப்புலாரிட்டியைப் பார்ப்பது சரியாக இருக்காது. கேம்பஸ் இன்டர்வியூ மூலம் பொறியியல் படிக்கின்ற மாணவர்களில் 70 சதவீத மாணவர்களை வேலைக்குத் தேர்வு செய்வது ஐ.டி. நிறுவனங்கள்தான். மெக்கானிக்கல் போன்ற பல்வேறு பொறியியல் படிப்புகளில் படித்த மாணவர்களும் கூட ஐ.டி. நிறுவனங்களில்தான் வேலைக்குச் சேருகிறார்கள். எனவே, மாணவர்கள் தங்களது விருப்பத்தின் அடிப்படையில் படிப்புகளைத் தேர்வு செய்வது நல்லது” என்கிறார் அண்ணா பல்கலைக்கழக மாணவர் சேர்க்கைப் பிரிவு முன்னாள் இயக்குநர் ப.வே. நவநீதகிருஷ்ணன்.

படிப்பது என்பது வேலைவாய்ப்புக்காகத்தான். அதேசமயம், ஒரு குறிப்பிட்ட படிப்பை எடுத்துப் படிப்பதன் மூலம் மட்டுமே வேலைவாய்ப்பு கிடைத்து விடாது. அந்தப் படிப்பில் எந்த அளவுக்குத் திறமையை வளர்த்துக் கொண்டிருக்கிறோம் என்பதைப் பொருத்துதான் வேலைவாய்ப்பு கிடைக்கும் சாத்தியங்கள் உள்ளன என்பதைப் புரிந்துகொள்ள வேண்டும். எந்தப் படிப்பில் சேர்ந்து படித்தாலும் அதில் சிறப்பாகப் படிக்கும் மாணவர்களுக்கு எப்படியும் வேலைவாய்ப்பு கிடைத்து விடுகிறது. படிப்புகளில் உயர்ந்தது, தாழ்ந்தது எதுவும் இல்லை என்பதை மாணவர்களும் பெற்றோர்களும் புரிந்து கொள்ள வேண்டும். மாணவர்கள் தங்களது திறமைக்கும் ஆர்வத்துக்கும் ஏற்ற வகையில் படிப்புகளைத் தேர்வு செய்துகொள்வதற்கு உதவும் வகையில் சில முக்கியப் பொறியியல் படிப்புகள் குறித்த சிறிய அறிமுகம் இதோ...

எலெக்ட்ரானிக்ஸ் அண்ட் கம்யூனிக்கேஷன்ஸ்: என்ஜினீயரிங் படிக்க விரும்பும் பல மாணவர்களின் முக்கிய விருப்பம், எலெக்ட்ரானிக்ஸ் அண்ட் கம்யூனிக்கேஷன்ஸ். இந்தப் பாடப்பிரிவை எடுத்துப் படிப்பதால் எலெக்ட்ரானிக்ஸ், கம்யூனிக்கேஷன்ஸ் துறைகளில் மட்டுமல்லாமல் தகவல் தொழில்நுட்பத் துறையிலும் தங்களது முத்திரையைப் பதிக்கலாம் என்பதால், எலெக்ட்ரானிக்ஸ் அண்ட் கம்யூனிக்கேஷன்ஸ் பாடப்பிரிவை எடுத்துப் படித்து, தங்களது வேலைவாய்ப்புத் தளத்தை விரிவுபடுத்திக் கொள்ளவே பல மாணவர்கள் விரும்புகிறார்கள். எனவே, எந்தப் பொறியியல் கல்லூரியாக இருந்தாலும் இப்படிப்பில் சேருவதில் மாணவர்களிடம்  ஆர்வம் தொடர்கிறது. எலெக்ட்ரானிக்ஸ், எலெக்ட்ரான் டிவைசஸ், சிப் டிசைன், சாஃப்ட்வேர் புரோகிராமிங், டிஜிட்டல் சிக்னல் புராசசிங், கம்ப்யூட்டர் கம்யூனிக்கேஷன், டிரான்ஸ்மிஷன் லைன்ஸ், நெட் ஒர்க்கிங், ஆப்டிக்கல் கம்யூனிக்கேஷன், கம்யூனிக்கேஷன் என்ஜினீயரிங், மைக்ரோ புராசசர், மைக்ரோவேவ் என்ஜினீயரிங்...இப்படி பல்வேறு பாடங்கள் கற்றுத் தரப்படுகின்றன.

கம்ப்யூட்டர் சயின்ஸ் என்ஜினீயரிங்: கம்ப்யூட்டர் என்ற மகத்தான கண்டுபிடிப்பு மனித வாழ்வின் சகல அம்சங்களிலும் ஊடுருவி தனது முக்கியத்துவத்தை ஸ்தாபித்துக் கொண்டிருக்கிறது. தகவல் தொழில்நுட்பத் துறையின் பிரமாண்டமான வளர்ச்சி இத்துறையில் படிக்கும் மாணவர்களுக்கு ஏராளமான வேலைவாய்ப்புகளை உருவாக்கியுள்ளது. ஐ.டி. துறையில் ஏற்பட்டுள்ள தேக்கம் காரணமாக வேலை கிடைக்குமோ, கிடைக்காதோ என்ற சந்தேகம் ஒரு புறம் இருந்தாலும்கூட, கேம்பஸ் இன்டர்வியூ மூலம் அதிக அளவில் வேலைக்கு தேர்ந்தெடுந்தெடுப்பது ஐ.டி. கம்பெனிகள்தான் என்பதைக் கவனத்தில் கொள்ள வேண்டும். படித்து முடித்த திறமையாளர்களுக்கு உடனடி வேலை, கை நிறைய ஊதியம். கம்ப்யூட்டர் ஹார்டுவேர், புரோகிராமிங் மொழிகள், வடிவமைப்பு, கம்ப்யூட்டர் நெட்வொர்க்கிங், கம்ப்யூட்டர் வரைவியல், கம்ப்யூட்டர் பொறியியல், டிஜிட்டல் சிஸ்டம்ஸ் போன்ற கம்ப்யூட்டர் துறைக்குத் தேவையான முக்கியப் பாடங்கள் இந்த மாணவர்களுக்குக் கற்றுத் தரப்படுகின்றன. அதாவது கம்ப்யூட்டர் வடிவமைப்பு, உருவாக்கம், செயல்பாடுகள் ஆகிய துறைகளில் கம்ப்யூட்டர் என்ஜினீயரிங் மாணவர்களுக்கு பயிற்சி அளிக்கப்படுகிறது.

இன்ஃபர்மேஷன் டெக்னாலஜி: கம்ப்யூட்டர் சயின்ஸ் என்ஜினீயரிங்கிற்கும் ஐ.டி. என்று அழைக்கப்படும் இன்ஃபர்மேஷன் டெக்னாலஜி படிப்புக்கும் இடையே அதிக வித்தியாசங்கள் இல்லை. கம்ப்யூட்டர் என்ஜினீயரிங் துறையின் உடன் பிறப்பு இன்ஃபர்மேஷன் டெக்னாலஜி. கம்ப்யூட்டர் தகவல் தொடர்பான தொழில் நுட்பங்களும் பயன்பாட்டுக்கு ஏற்ப அந்தத் தொழில்நுட்பங்களைக் கையாளுவது குறித்தும் உள்ள படிப்புதான் இன்ஃபர்மேஷன் டெக்னாலஜி. பொறியியல் கல்லூரிகளில் சேர விரும்பும் மாணவர்களின் முக்கிய விருப்பப் படிப்புகளில் இதுவும் ஒன்று. இன்ஃபர்மேஷன் டெக்னாலஜி படித்த திறமையான மாணவர்களுக்கு வேலை வாய்ப்புக்குப் பஞ்சமில்லை!

எலெக்ட்ரிக்கல் அண்ட் எலெக்ட்ரானிக்ஸ்: எலெக்ட்ரிக்கல் மற்றும் எலெக்ட்ரானிக்ஸ் சாதனங்கள், மின் உற்பத்தி அமைப்புகள், மின் ஆற்றல் பகிர்வு உள்பட எலெக்ட்ரிக்கல் மற்றும் எலெக்ட்ரானிக்ஸ் என்ஜினீயரிங் தொடர்பான பாடப்பிரிவுகளைக் கொண்டது இப்படிப்பு. எலெக்ட்ரிக்கல் அண்ட் எலெக்ட்ரானிக்ஸ் என்ஜினீயரிங் படித்தவர்களுக்கு  மின் துறை மற்றும் எலெக்ட்ரானிக்ஸ் தொழில் நிறுவனங்களில் வேலைவாய்ப்புக் கிடைக்கும். இப்படிப்பைப் படித்துவிட்டு, தகவல் தொழில்நுட்பத் துறை நிறுவனங்களில் வேலைக்குச் சேரும் மாணவர்களும் இருக்கிறார்கள்.

சிவில் என்ஜினீயரிங்: பொறியியல் துறையின் முன்னோடிப் படிப்பு சிவில் என்ஜினீயரிங். கட்டடங்கள், சாலைகள், கால்வாய்கள், அணைகள், பாலங்கள், நீர்த்தேக்கங்கள், வடிகால்கள், துறைமுகங்கள், விமானத் தளங்கள், ரயில் போக்குவரத்து வசதிகள் போன்றவற்றை உருவாக்குவதில் சிவில் என்ஜினீயர்களின் பங்கு முக்கியமானது. பெருகி வரும் மக்கள் தொகைக்கு ஏற்ப உள்கட்டமைப்பு வசதிகளை ஏற்படுத்த வேண்டியது இருப்பதால் சிவில் என்ஜினீயரிங் படித்தவர்களுக்கான தேவை என்பது தொடர்ந்து இருந்துகொண்டே இருக்கும். நெடுஞ்சாலைத் துறை, பொதுப்பணித்துறை, ரயில்வே துறை என்று பெரும்பாலும் அரசுப் பணிகளையே சிவில் என்ஜினீயர்கள் நம்பி இருக்க வேண்டியதிருந்தது. இப்போது திறமையான சிவில் என்ஜினீயர்களுக்கு தனியார் கட்டுமானத் தொழில் நிறுவனங்களிலும் நல்ல ஊதியத்தில் வேலை கிடைத்து வருகிறது.

மெக்கானிக்கல்: பொறியியல் பாடப்பிரிவுகளில் முக்கியமான துறை இது. தொழிற்சாலைகளில் பயன் படுத்தப்படும் இயந்திர சாதனங்கள், பொருள் உற்பத்தி முறைகள், பொறியியல் வடிவமைப்பு, கம்ப்யூட்டர் பயன்பாடு போன்றவற்றை உள்ளடக்கியது இப்பாடப்பிரிவு. படிப்புக் காலம் மற்ற பொறியியல் படிப்புகளைப் போல 4 ஆண்டுகள்தான். மெக்கானிக்கல் என்ஜினீயரிங் சாண்ட்விச் படிப்புக்கு மட்டும் ஓராண்டு கூடுதலாக (5 ஆண்டுகள்) படிக்க வேண்டும். இந்த ஓராண்டில் மாணவர்கள் தொழிற்சாலைகளில் நேர்முகப் பயிற்சி பெறுவார்கள். இதனால் சாண்ட்விச் படிப்பு படித்த மாணவர்களுக்கு வேலைவாய்ப்பு சாத்தியங்கள் அதிகம். மெக்கானிக்கல் என்ஜினீயரிங் படித்தவர்களுக்கு அரசுத் துறை நிறுவனங்களில் மட்டுமல்லாமல், தனியார் துறை நிறுவனங்களிலும் ஏராளமான வாய்ப்புகள் உள்ளன. மெக்கானிக்கல் என்ஜினீயரிங் படித்தவர்களுக்கும், தகவல் தொழில்நுட்ப நிறுவனங்களில் வேலை கிடைக்கிறது.

ஆட்டோமொபைல் என்ஜினீயரிங்: ஒரு காலத்தில் மெக்கானிக்கல் என்ஜினீயரிங் துறையின் ஒரு பகுதியாக இருந்த ஆட்டோமொபைல் என்ஜினீயரிங் தற்போது தனித் துறையாக வளர்ந்து விட்டது. வாகன அமைப்பு உருவாக்கம், பராமரிப்பு உள்ளிட்ட ஆட்டோமொபைல் தொடர்பான பல்வேறு தொழில்நுட்பங்கள் இப்படிப்பைப் படிக்கும் மாணவர்களுக்குக் கற்றுத் தரப்படுகின்றன. நேர்முகப் பயிற்சிக்கும் இப்படிப்பில் முக்கியத்துவம் அளிக்கப்படுகிறது. போக்குவரத்துக் கழகங்கள், ஆட்டோமொபைல்  உற்பத்தி நிறுவனங்களிலும் ஆட்டோ மொபைல் ஆய்வு நிறுவனங்களிலும் பணிகளில் சேரலாம். இந்திய ஆட்டோமொபைல் துறை வளர்ச்சிப் பாதையில் சென்று கொண்டிருப்பதால் இத்துறையில் படித்த பொறியாளர்களுக்கு நல்ல எதிர்காலம் காத்திருக்கிறது.

ஏரோநாட்டிக்கல் என்ஜினீயரிங்: விமானங்களை வடிவமைப்பதிலும் உருவாக்குவதிலும் அதனைப் பராமரிப்பதிலும் ஏரோநாட்டிக்கல் என்ஜினீயரிங் படித்த பொறியாளர்களின் பங்கு முக்கியமானது. செயற்கைக்கோள், ஏவுகணை, ராக்கெட்...என இப்பாடப்பிரிவின் எல்லைகள் விரிவடைந்து வருகின்றன. அரசு மற்றும் தனியார் விமான நிறுவனங்கள், விமான வடிவமைப்பு நிறுவனங்கள், விண்வெளி ஆய்வுத் துறை, பாதுகாப்புத் துறை போன்ற பல்வேறு துறைகளில் ஏரோநாட்டிக்கல் என்ஜினீயரிங் படித்தவர்களுக்கு வேலைவாய்ப்பு உண்டு. தகவல் தொழில்நுட்பத் துறையிலும் வேலைவாய்ப்புகள் கிடைக்கும்.

பயோ டெக்னாலஜி: இந்த நூற்றாண்டில் தகவல் தொழில்நுட்பத் துறைக்கு அடுத்தபடியாக வளர்ந்து வரும் முக்கியத்துறை பயோ டெக்னாலஜி. விவசாயம், மருந்துப் பொருள்கள், பதனீட்டு உணவுகள், ஜவுளித்துறை...இப்படி இதன் பயன்பாடு விரிந்து வருகிறது. எனவே, இதுகுறித்த படிப்புகள் உலகெங்கிலும் முக்கியத்துவம் பெற்று வருகின்றன. பயோ டெக்னாலஜி படித்த மாணவர்களுக்கு பார்மாசூட்டிக்கல் நிறுவனங்கள், வேளாண் தயாரிப்பு நிறுவனங்கள், கால்நடை மருத்துவ அறிவியல் நிறுவனங்கள், உணவு பதனீட்டு நிறுவனங்கள், ஜவுளித்துறை  அமைப்புகள், பயோ எரிபொருள் உற்பத்தி நிறுவனங்கள், பயோ டெக் ஆய்வு  நிறுவனங்கள் போன்றவற்றில் வேலைவாய்ப்பு கிடைக்கும். சமீபகாலமாக விப்ரோ, டி.சி.எஸ், இன்போசிஸ் போன்ற தகவல் தொழில்நுட்ப நிறுவனங்கள்கூட பி.டெக். பயோ டெக்னாலஜி மாணவர்களை வேலைக்கு எடுத்துக் கொள்கின்றன.

இன்டஸ்ட்ரியல் என்ஜினீயரிங்: இது தொழில் யுகம். ஏட்டுச் சுரைக்காய் கறிக்கு உதவாது என்ற நிலைமை ஏற்படக்கூடாது என்பதற்காகத் தற்காலத் தொழிற்துறையினரின் தேவைகளுக்கு ஏற்ற வகையில் மாணவர்களைத் தயார் செய்வதற்காக இன்டஸ்ட்ரியல் என்ஜினீயரிங் போன்ற பிரத்யேகப் பட்டப்படிப்புகள் தேவைப்படுகின்றன. தொழிற்சாலைகளில் உள்ள இயந்திரங்களையும் பணிபுரியும் மனிதர்களையும் பயன்படுத்தி உற்பத்தியைப் பெருக்குவது எப்படி என்று கற்றுத்தரும் படிப்பு இன்டஸ்ட்ரியல் என்ஜினீயரிங். மெக்கானிக்கல் என்ஜினீயரிங் துறையைப் போன்றதே இன்டஸ்ட்ரியல் என்ஜினீயரிங் துறை என்றாலும், தொழிற் சாலைகளில் உருவாகும் பொருட்களின் உற்பத்தி முறைகள், அதற்குப் பயன்படும் சாதனங்கள், அவற்றை ஆராய்ந்து தெரிவு செய்யும் வழிகள், மேலாண்மை நெறிகள், கம்ப்யூட்டர் கட்டுப்பாட்டுச் சாதனங்கள் போன்றவை இன்டஸ்ட்ரியல் என்ஜினீயரிங்கில் கற்றுத் தரப்படுகின்றன. அரசுத் துறை, தனியார் துறைத் தொழிற்சாலைகளிலும் கன்ஸல்டன்சி நிறுவனங்களிலும் இப்படிப்பைப் படித்தவர்களுக்கு வேலை கிடைக்கும்.

எலெக்ட்ரானிக்ஸ் அண்ட் இன்ஸ்ட்ருமென்டேஷன்: எலெக்ட்ரானிக்ஸ் தொடர்பான படிப்புகளுடன் மின்னணு தொழில் நிறுவனங்களில் பயன்படுத்தப்படும்
சாதனங்களைப் பற்றிய படிப்புதான் எலெக்ட்ரானிக்ஸ் அண்ட் இன்ஸ்ட்ருமென்டேஷன். எலெக்ட்ரானிக்ஸ் தொடர்பான சாதனங்களைத் தேவைக்கு ஏற்ப மாற்றி அமைப்பதையும், அவற்றின் செயலாக்கத்தைக் கட்டுப்படுத்துவது குறித்தும் இப்படிப்பு மாணவர்களுக்குக் கற்றுத் தரப்படும். தொழில் நிறுவனங்கள், மின் நிலையங்கள், உரம் மற்றும் இரும்பு, ரசாயன ஆலைகளில் எலெக்ட்ரானிக்ஸ் அண்ட் இன்ஸ்ட்ருமென்டேஷன் படித்த மாணவர்களுக்கு வேலை கிடைக்கும்.

கெமிக்கல் என்ஜினீயரிங்: கெமிக்கல் என்ஜினீயரிங் தவிர்க்க முடியாத முக்கியத் துறை. உரம், பெட்ரோலியப் பொருட்கள், சிமெண்ட், மருந்துகள், பெயிண்டுகள், செயற்கை நூலிழைகள் உள்ளிட்டவற்றைத் தயாரிக்கத் தேவையான இயந்திரங்களை வடிவமைப்பது, தொழில்நுட்பங்களை உருவாக்குவது உள்ளிட்டவை இப்படிப்பின் முக்கிய அம்சங்கள். மாசுக் கட்டுப்பாட்டுத் துறையிலும் இப்படிப்பைப் படிக்கும் மாணவர்களுக்கு அறிமுகம் இருக்கும். நாட்டிலேயே முக்கியத்துவம் வாய்ந்த கல்வி நிறுவனமான காரைக்குடியில் உள்ள மத்திய மின்வேதியியல் ஆய்வுக் கழகத்தில் (செக்ரி) கெமிக்கல் அண்ட் எலெக்ட்ரோ கெமிக்கல் என்ஜினீயரிங் படிப்பைப் படிக்கலாம்.

பெட்ரோலிய, எரிவாயு சுத்திகரிப்பு நிறுவனங்கள், உர நிறுவனங்கள், பார்மாசூட்டிக்கல்ஸ், உரத் தொழிற்சாலைகள், ரப்பர் அண்ட் பிளாஸ்டிக் தொழில் நிறுவனங்கள், பெயிண்ட் மற்றும் காகித உற்பத்தி நிறுவனங்கள், ஃபுட் புராசசிங் நிறுவனங்கள், ரசாயன ஆலைகள் போன்றவற்றில் கெமிக்கல் என்ஜினீயரிங் தொடர்பான படிப்புகளைப் படிக்கும் மாணவர்களுக்கு வேலை கிடைக்கும். அத்துடன் விண்வெளி, அணுசக்தி, பாதுகாப்புத் துறைகளிலும் வேலை வாய்ப்புகள் உண்டு.

பாம்பு கடிப்பதை தவிர்ப்பது எப்படி?

பாம்பு கடித்தால் இறந்து போவார்கள் என்ற கருத்து பரவலாக இருக்கிறது. பாம்பு விஷம் உயிருக்கு ஆபத்தானதுதான் என்றாலும், நம்மை சுற்றி வாழும் பாம்புகளில் 80 சதவீதம் விஷ     மற்றவை என்பதை கவனத்தில் கொள்ளவேண்டும்.

இரவு நேரங்களில் கடிக்கும்போது எந்த பாம்பு கடித்தது? அது விஷமுள்ளதா? இல்லாததா? என்பதை கண்டறிவது கடினம். ஆனால் கடிபட்டவர்கள் முடிந்த அளவு அந்த பாம்பின் வடிவத்தை மனதில் பதியவைத்துக்கொள்வது சிகிச்சைக்கு வசதியாக இருக்கும்.

சிலர் பாம்பு கடிபட்டதும் முதல் வேலையாக அந்த பாம்பை விரட்டிப்பிடித்து கொல்வார்கள். அதன் பிறகுதான் சிகிச்சைக்கு செல்வார்கள். அது ஆபத்தை வரவழைக்கும் செயல். கடிபட்டதை உணர்ந்த உடனே மருத்துவமனைக்கு விரைந்து, சிகிச்சை பெறவேண்டும்.

விஷமுள்ள பாம்பு கடித்தாலும், சூழலுக்கு தக்கபடி விஷம் பரவும் தன்மையில் மாறுதல் ஏற்படும். பாம்பு இரை எடுத்தவுடன் கடித்தால் விஷத்தன்மை குறைவாக இருக்கும். இரை பிடிப்பதற்கு முன்னால் கொத்தினால் மனித உடலில் செல்லும் விஷத்தின் அளவு அதிகமாக இருக்கும். துணியின் மேல்பகுதி வழியாக கடித்தால் விஷம் உள்ளே செல்லும் அளவு குறைவாக இருக்கும்.

பாம்பு கடித்ததும் செய்யக்கூடியவை..

  பயம் கொள்ளக்கூடாது. கடிபட்டவரின் மனதை அமைதிப்படுத்தவேண்டும். டென்ஷன் இல்லாமல் இருக்கவேண்டும். 

  பாம்பு கடிபட்டவர் பயம் கொண்டால் உடலில் அட்ரினாலின் ஹார்மோன் உற்பத்தி அதிகரிக்கும். அது இதய துடிப்பையும், ரத்த அழுத்தத்தையும் அதிகரிக்கும். ரத்தத்தில் கலக்கும் விஷம், அதன் மூலம் வேகமாக உடலின் எல்லா பகுதிகளுக்கும் பரவும். பயம், பதற்றமின்றி மன அமைதியாக இருந்தால் விஷம் பரவுவது குறையும்.

  பாம்பு கடிபட்ட நபரை நடக்கவைக்கக்கூடாது.

  உடலுக்கு ஓய்வளிக்கவேண்டும்.

  கடிபட்ட இடத்தில் அசைவு இல்லாமல் இருக்க, விபத்தில் சிக்கி எலும்பு முறிவு ஏற்பட்டவருக்கு உபயோகப்படுத்தும் ஸ்பிளின்ட்டை பயன்படுத்தவேண்டும்.

  கடிபட்ட இடத்தை இதய பகுதிக்கு கீழ் இருக்கும்படி பராமரிக்கவேண்டும்.

மேற்கண்டவை மூலம் விஷம் வேகமாக பரவுவதை கட்டுப்படுத்த முடியும்.

செய்யக்கூடாதவை..

  பாம்பு கடிபட்ட இடத்தை கத்தி, பிளேடு போன்ற எதை பயன்படுத்தியும் கீறக்கூடாது.

  கடிபட்ட பகுதியை கயிறாலோ, வேறு உபகரணங்களாலோ இறுக்கி கட்டக்கூடாது.

  கடிபட்ட இடத்தில் வாயைவைத்து உறிஞ்சி துப்புவதற்கு முயற்சிக்கக்கூடாது.

  காயம்பட்ட இடத்தை கழுவலாம். ஆனால் பலமாக அதில் தண்ணீரை பீய்ச்சிஅடித்து கழுவக்கூடாது.

  கடிபட்ட இடத்தில் ஐஸ் வைக்கக்கூடாது.

  அவரை மருத்துவமனைக்கு கொண்டுசெல்லும் வரை உணவு எதுவும் வழங்கக்கூடாது.

  காபி, டீ, மது போன்ற எதுவும் அருந்தக்கூடாது.

  கடிபட்ட பகுதியை உயர்த்தி பிடிக்கக்கூடாது.

  கடிபட்ட பாம்பை துரத்தி சென்று பிடிக்க நேரத்தை வீணாக்கக்கூடாது. அதன் வடிவம், நிறம் போன்றவைகளை நினைவில் வைத்திருந்தால் நல்லது.

பாம்பு கடிப்பதை தவிர்ப்பது எப்படி?

பாம்பு தானாக ஓடிவந்து யாரையும் கடிக்காது. பழி வாங்கும் என்ற கட்டுக்கதையும் உண்மையில்லை. தெரிந்தோ, தெரியாமலோ நாம் அதை உபத்திரவம் செய்தால் மட்டுமே அது நம்மை கடிக்கும்.

இரவில் வெளியே நடக்கும்போது செருப்பு அணிந்துகொள்ளவேண்டும். இருட்டில் நடக்கக்கூடாது. இருட்டில் டார்ச் பயன்படுத்தவேண்டும்.

இரவில் வெளியே நடக்கும்போது கையில் சிறிய தடி ஒன்று வைத்திருங்கள். அதை தரையில் தட்டியபடியே நடந்து செல்லுங்கள். பாம்புகளால் நமது சத்தத்தை அறிய முடியாது. பூமியின் அதிர்வைதான் அது உணர்ந்து செயல்படும். தரையில் தட்டிக்கொண்டே நடந்தால் மனிதர் வருவதை உணர்ந்து அது ஒதுங்கிவிடும்.

பாம்பு இருக்கக்கூடும் என்று கருதும் இடங்களில் இருந்து கற்கள், மரத் துண்டுகள் போன்ற எந்த பொருளையும் கையால் எடுக்காதீர்கள். அவைகளில் பாம்பு சுருண்டு கிடக்கும். எடுக்கும்போது கடித்துவிடும். எலிகள் இருக்கும் இடத்தில் இரை தேடி பாம்புகள் பதுங்கியிருக்கும்.